اتىراۋ قالاسى اكىمىنىڭ ورىنباسارى سامات ەمبەرگەن كوپ بالالى انالارعا پرەزيدەنت جارلىعىنا سايكەس «التىن القا» جانە «كۇمىس القا» ناگرادالارىن تابىستادى.
–حالقىمىز انالاردى «ءبىر قولىمەن بەسىكتى، ەكىنشى قولىمەن الەمدى تەربەيدى» دەپ ەرەكشە قۇرمەتتەگەن. وتباسىلىق قۇندىلىقتاردى جوعارى قويعان التىن قۇرساقتى انانىڭ تاعىلىمدى تاربيەسىنىڭ ارقاسىندا مەملەكەتتىڭ ابىرويى اسقاقتايدى. قازىرگى تاڭدا بالانى دۇرىس تاربيەلەۋ ەڭ ءبىرىنشى ءمىندەت. تاۋەلسىز ەلدىڭ ۇرپاقتارى ەرتەڭگى ەلىمىزدىڭ ءۇمىتىن اقتايتىن ازاماتتار بولسىن دەپ ءتىلەيمىن – دەدى سامات جۇمابايۇلى.
