1916 جىلعى تورعايداعى ۇلت-ازاتتىق كوتەرىلىستىڭ باسشىسى امانكەلدى يمانوۆتىڭ دومبىراسى قوستاناي وبلىستىق تاريحي-ولكەتانۋ مۋزەيىندە تۇر ەكەن. جۋىردا قوستاناي قالاسىنا بارعان ساپارىمىزدا جادىگەردى ءوز كوزىمىزبەن كورۋگە مۇمكىندىك تۋعان ەدى. اسپاپتىڭ كوركەمدىگى ەرەكشە. سۇيەكتەرمەن ويۋ-ورنەكتەر جاپسىرىلىپ، وتە اسەم بەزەندىرىلگەن. جادىگەر قوستاناي وبلىستىق تاريحي-ولكەتانۋ مۋزەيىنە 1964 ج. 21 تامىزدا كەلىپ تۇسكەن.
مۋزەيدىڭ عىلىمي ادىستەمەلىك جۇمىستارمەن قامتاماسىز ەتۋ ءبولىمىنىڭ مەڭگەرۋشىسى ءنازيما قۋانىشبايقىزى ايتۋىنشا، بۇل قۇندى دومبىرانىڭ ۇزىندىعى – 90 سم. 14 پەرنەلى، شاناعىنىڭ كولەمى سوپاقشا. دومبىرانىڭ قاپتالى، بەتى، سىرتقى ساۋىر ءدۇمى جەكە-جەكە شابىلىپ، شەبەرلىكپەن جىمداستىرا قۇراستىرىلعان. دومبىرانىڭ سىرتى سۇيەكپەن كومكەرىلگەن. ءحىح عاسىردىڭ اياعى – حح عاسىردىڭ باسى.
قوستاناي وبلىستىق تاريحي-ولكەتانۋ مۋزەيىنىڭ «تۋعان جەر تاريحى» زالىندا مۋزىكالىق اسپاپتار ەكسپوزيتسياسىنا دومبىرا، نارقوبىز قويىلعان.
ارمان اۋباكىر،
قوستاناي،
"ادىرنا" ۇلتتىق پورتالى
