2018 جىلى التىن وردانىڭ سوڭعى اقىنى مۇرات موڭكەۇلىنىڭ 175 جىلدىعى تويلاناتىن بولادى.

ەندى الدىمىزدا التىن وردانىڭ سوڭعى اقىنى مۇرات موڭكەۇلىنىڭ 175 جىلدىعى كەلە جاتىر. رۋى بەرىشتىڭ قاراتوقاي ءبولىمى .بۇل – مەملەكەتتىك دەڭگەيدە ءمان بەرىلەتىن بەرەكەلى بەلەس. ماحامبەت پەن مۇرات سەكىلدى اسا تانىمال اقىندارى بار اتىراۋ بۇعان، ارينە، زور ماڭىز بەرەتىنى انىق. ماحامبەتتىڭ جىرىن حالىققا جەتكىزگەن مۇراتتى ەل بولىپ ەسكە الايىق، اعايىن! قازىر استانا مەن اتىراۋدا، ورال قالاسىندا اقىن اتىنداعى كوشە بار. اتىراۋداعى ەكى مەكتەپ مۇرات موڭكەۇلىنىڭ اتىمەن اتالادى. جىردىڭ جەرۇيىعىندا تەربەلگەن مۇرات مەكتەبىنىڭ ورەندەرى دە اقىن ولەڭدەرىن وقى دەگەندە ىركىلىپ قالا قويماس.
سونىمەن، الداعى جىل – ايگىلى «ءۇش قيان» تولعاۋىندا «ساداعىن سالا بايلانعان، استانا جۇرتىن اينالعان» دەپ جىرلاعان مۇراتتى ۇلىقتايتىن جىل. ولاي بولسا، مۇراتانۋ مەن مۇراتتانۋدىڭ ماماندارىن ىرگەلى ىستەر كۇتىپ تۇر.