قوستانايدا تۇرعىن ۇيلەردىڭ بىرىندە جارىلىس بولىپ، ەكى ادام رەانيماتسياعا ءتۇستى، دەپ حابارلايدى «ادىرنا» ءتىلشىسى «كوستانايسكيە نوۆوستي»-گە سىلتەمە جاساپ.
توتەنشە جاعداي كۋاگەرلەرىنىڭ ايتۋىنشا، ۇيدە جوندەۋ جۇمىستارىن جۇرگىزگەن جۇمىسشىلار زارداپ شەككەن.
«بۇل ۇيدە ءۇش ەر ادام مونتاجدى كوبىكپەن جۇمىس ىستەدى. بولمەدە گاز جينالىپ قالعان. ەر ادامداردىڭ ءبىرى جەرتولەگە ءتۇسىپ، تەمەكى شەككەن. ناتيجەسىندە جارىلىس بولدى. بىلۋىمىزشە، بارلىعى قاتتى كۇيىك العان، جاعدايلارى اۋىر»،– دەيدى ولار.
وبلىستىق دەنساۋلىق ساقتاۋ باسقارماسىنىڭ ءباسپاسوز حاتشىسى كسەنيا جىلقىباەۆا تج كەزىندە زارداپ شەككەندەر تۋرالى الدىن الا اقپارات بەرىپ، زارداپ شەككەندەردىڭ قالالىق اۋرۋحاناعا جەتكىزىلگەنىن مالىمدەدى.
«ەكى ادام رەانيماتسياعا ءتۇستى. 1983 جىلى تۋعان ءۇشىنشى ەر ادام قابىلداۋ بولىمىنە جەتكىزىلدى»،– دەدى جىلقىباەۆا.
«ادىرنا» ۇلتتىق پورتالى
