اسسامبلەيا تاتۋلىقتىڭ عانا ەمەس مادەنيەتتىڭ دە وشاعى

3759
Adyrna.kz Telegram

ءاربىر ەگەمەندى ەلدىڭ باستى ارمانى – تىنىشتىق ءھام بەيبىتشىلىك. اينالامىزداعى سوڭعى جاڭالىقتارعا بايلانىستى بەبىتشىلىك قۇنى سەزىلە باستادى. سۇڭعىلا، كەمەڭگەر تۇلعا نۇرسۇلتان ءابىشۇلى كوپۇلتتى، زايىرلى مەملەكەت قۇرىپ، اسسامبلەيانى قالىپتاستىرۋعا مۇرىندىق بولدى.

قازاقستان حالقى اسسامبلەياسى سىندى ەگەمەندى ەل بولعانىمىزعا ءبىر جىل ۋاقىت وتكەن سوڭ، العاشقى فورۋمدا قازاقستان حالقى اسسامبلەياسىن قۇرۋ يدەياسى جاريا ەتىلدى. يدەيانىڭ باستاماشىسى – ەلىمىزدىڭ تۇڭعىش پرەزيدەنتى، ەلباسى نۇرسۇلتان ءابىشۇلى نازارباەۆ.

الەمدىك تاجىريبەلەر قاتارىنا كىرگەن مۇنداي وڭ شەشىم 1995 جىلدىڭ ناۋرىز ايىندا قابىلداندى، ياكي، قۇرىلدى. قازاقستان حالقى اسسامبلەياسىنىڭ نەگىزى ماقساتى بەسەنەدەن بەلگىلى بولدى. ول رەسپۋبليكا كولەمىندەگى تۇراقتىلىقتى ساقتاي وتىرىپ، بەيبىت ءومىردى قالىپتاستىرادى. 2008 جىلدىڭ 20 قاڭتارىندا پرەزيدەنت قازاقستان حالقى اسسامبلەياسى تۋرالى زاڭعا قول قويدى.

كەيىن بۇل قادام قازاقستاننىڭ ساياسي جۇيەسىنىڭ تولىققاندى بولىگىنە اينالدى. قازاقستاننىڭ تۇڭعىش پرەزيدەنتى نۇرسۇلتان نازارباەۆ قازاقستان حالقى اسسامبلەياسىن ءومىر بويى باسقارۋ قۇقىعىنا يە. الەم ەلدەرى وڭ قاباق تانىتقان اسسامبلەيا قۇرامىندا 394 مۇشە ەل بار. بۇل ايتارلىقتاي ناتيجە، جەڭىس، بەدەل.
كوپ ۇلتتى ءبىر شاڭىراق استىنا جيناي بىلگەن قازاقستان ءۇشىن اسسامبلەيانى قۇرىپ، بەلىن بەلدەۋ ماڭىزدى قادامنىڭ ءبىرى بولدى. 19 ميلليون حالقىمىزدىڭ تەڭ جارتىسى وزگە ۇلت وكىلدەرى. بىراق ءبىزدىڭ كەرەگەمىز بەن تۇسەر كۇن، اشىق اسپانىمىز ءبىر، ورتاق.

اسسامبلەيا قۇرۋداعى باستى ماقسات ىنتىماقتىستىق پەن بىرلىكتى نىعايتۋ، ونى ءوز دەڭگەيىندە ساقتاپ قالۋ. ىشكى ۇلتارازدىق قاقتىعىستارعا جول بەرمەۋ. تاۋەلسىزدىك العانىمىزعا وتىز جىل. ءدال وسى وتىز جىل ىشىندە تاتۋلىعىمىزعا دات تۇسپەدى، قارا كۇيە جاعىلمادى. وزگە ۇلت وكىلدەرى قازاقستانعا ءدان ريزا. ويتكەنى، ءبىز وتانىمىزدى ءوز وتانىنداي كورگەن ءار ازاماتتى ەرەكشە قۇرمەتتەيمىز. ءتىپتى، ول ءوز انا تىلىندە سويلەپ تۇرسا، ءبىز دە ونىڭ انا تىلىندە شۇبارلاپ سويلەسەك تە كوڭىلىن قالدىرمايمىز.

اسسامبلەيا توڭىرەگىندە وتكىزىلىپ جاتقان ءار شارا قازاق حالقىنىڭ وزگە ۇلت وكىلدەرىنە قۇرمەتپەن قاراۋىن تاعى دا ءبىر ساتىعا وسىرەتىنى حاق.

بىرلىگىمىزدى تەك بىرلىك كۇنى ءتۇرلى فوتوسۋرەتتەرمەن عانا كورسەتپەي، شىنايى ومىردە دە ناقىشتاپ جۇرگەنىمىز ايقىن. مىسالى، ءار 3 قازاقتىڭ جانىنا 2 وزگە ۇلت وكىلى بولارى ءسوزسىز. ولار قازاقشا سويلەي الماي جاتسا، ءبىز قولعابىس ەتەمىز. كەزەكتە تۇرساق،ونىڭ تۇسىنبەي الا الماي جاتقان زاتىن ءبىز بايىپپەن الىپ بەرەمىز. ويتكەنى قانىمىز كومەككە قاراي تارتىپ تۇراتىن حالىقپىز.

الايدا، كەيبىر كەلەڭسىز وقيعالار بولاتىنى بەلگىلى عوي. ولاردىڭ بىرىنە مىسال كەلتىرسەك، كەيبىر ورىستار ء“بىز رەسەي سەندەرگە سىيعا تارتقان جەردە ءجۇرمىز” دەپ ۇلت نامىسىن كوتەرەردەي سوزدەر ايتادى. مۇنداي كەزدە سابىرلىق تانىتۋ ءجون. ويتكەنى پاسىق ويدى ايتىپ وتىرعان ادامعا كەرى ءسوز سويلەۋ ارتىق.

ءوز تاريحىمىزدى ءوزىمىز ءجۇز ەسە جاتقا بىلەتىن بولساق، ارتىق ايتىلعان ويلارعا كۇلەر ەدىك.

اسسامبلەيا تاتۋلىقتىڭ سيمۆولى عانا ەمەس، مادەنيەتتىڭ التىن وشاعى دەسەك تە ارتىق ەتپەيدى. ويتكەنى، ءدال وسى اسسامبلەيا اياسىندا ءبىز ەلىمىزدى مەكەن ەتكەن ءار ۇلت وكىلىنىڭ ءوز مادەنيەتىمەن تانىسىپ، ونى ۇلىقتايمىز، قۇرمەتتەيمىز. اسسامبلەيانىڭ اياسىندا ءتۇرلى شارالار، فەستيۆالدار وتەتىنى بەلگىلى. رەسپۋبليكالىق، الەمدىك دەڭگەيدە قازاقتىڭ اتى ورىستىڭ قىزىمەن دە، كورەيدىڭ سىرعاناۋشى ۇلىمەن دە شىقتى.

ءبىز ونى مارقايا دا، ماقتانا دا الەمگە جار سالىپ ايتۋدان ەش جالىقپايمىز.
بۇرىن مەكتەپ قابىرعاسىندا ءبىلىم الىپ جۇرگەن كەزىمدە، قازاق ءتىلى مەن ادەبيەتى پانىنەن وليمپياداعا باراتىنمىن. مەكتەپتەن مەمەن بىرگە داعىستان قىزى باراتىن. قازاق ءتىلىن ءۇش اي كانيكۋلدا ۇيرەنگەن. قازاقشاعا سۋداي. ەسسە، شىعارمالاردى كەرەمەت جازاتىن. مۇعالىمدەر داعىستان قىزىن قاتتى قۇرمەتتەيتىن. ويتكەنى ول ءبىزدىڭ ءتىلدىڭ نامىسىن قورعاپ ءجۇر.

ءدال وسىنداي وقيعالار وتە كوپ. ءتىپتى، وسى جاقىندا الەۋمەتتىك جەلىلەردە ءوز اتىن ويىنشا قازاق ەسىمىنە وزگەرتىپ، قازاقتىڭ ولەڭدەرىن، اندەرىن جاتقا ايتىپ جۇرگەن شەتەل قىزى ءدۇيىم جۇرتتى تاڭقالدىرعان ەدى.

ءبىر شاڭىراق استىندا تاتۋ ءتاتتى ءومىر ءسۇرۋ – قازاقتىڭ قوناقجايلىلىق، باۋىرمالدىق سىڭگەن تازا قانىندا دەپ بىلەمىن.

ءىنجۋ ومىرزاق،

”ادىرنا” ۇلتتىق پورتالى 

پىكىرلەر