2021 جىلعى 10 تامىزدا قوستاناي وبلىسى اكىمدىگى ءبىلىم باسقارماسىنىڭ «پسيحولوگيالىق قولداۋ جانە قوسىمشا ءبىلىم بەرۋ وڭىرلىك ورتالىعى» كمم «ZOOM» پلاتفورماسىندا «قوستاناي وبلىسىنىڭ ءبىلىم بەرۋ ۇيىمدارىنداعى پسيحولوگيالىق قىزمەتتى دامىتۋدىڭ زاماناۋي ۇردىستەرى» تاقىرىبىندا جىل سايىنعى «پسيحولوگيا سەكتسياسىندا وبلىستىق تامىز كونفەرەنتسياسىن وتكىزدى. تىڭداۋشىلاردىڭ جالپى سانى 160 ادامدى قۇرادى، ونىڭ ىشىندە 100 ادام ۆەبينارعا قاتىستى جانە 60 ادام ۆەبيناردى جازبادا قارادى.
كونفەرەنتسيانىڭ نەگىزگى ماقساتى بەرىلگەن تاقىرىپ بويىنشا وزەكتى ماسەلەلەردى تالقىلاۋ، تسيفرلىق ترانسفورماتسيا جانە قاشىقتىقتان وقىتۋ جاعدايىندا قوستاناي وبلىسىنىڭ ءبىلىم بەرۋ پروتسەسىنە قاتىسۋشىلارعا پسيحولوگيالىق قولداۋدى كۇشەيتۋ بولدى.
ونلاين - سۇحبات الاڭىنىڭ مودەراتورى پسيحولوگيالىق قولداۋ جانە قوسىمشا ءبىلىم بەرۋ وڭىرلىك ورتالىعىنىڭ ديرەكتورى پەترەنكو ەلەنا الەكساندروۆنا ءسوز سويلەدى.
ول سوڭعى جىلى قوستاناي وبلىسىندا كامەلەتكە تولماعاندار اراسىندا سۋيتسيد ارەكەتتەرىنىڭ قىسقارعانىن، سوڭعى ءۇش جىلدىڭ ستاتيستيكاسىمەن سالىستىرعاندا وڭ ديناميكا بايقالعانىن اتاپ ءوتتى. ءبىلىم بەرۋ ۇيىمدارىنىڭ وڭىرلىك پسيحولوگيالىق قىزمەتتەرىنىڭ جۇمىسىن مونيتورينگىلەۋ جانە تالداۋ بارىسىندا ولاردىڭ جۇمىسىنىڭ انىقتالعان، جۇيەلى كەمشىلىكتەرى مەن بۇزۋشىلىقتارى ايتىلدى.
ونلاين-ديالوگقا ءبىلىم بەرۋ بولىمدەرىنىڭ باسشىلارى مەن ادىسكەرلەرى، جالپى ءبىلىم بەرەتىن مەكتەپتەردىڭ ديرەكتورلارى مەن پەداگوگ–پسيحولوگتارى قاتىستى. ولار ءوز كەزەگىندە جىل بويى جانە جازعى دەمالىس كەزىندە قانداي جۇمىستار جۇرگىزىلگەنى تۋرالى ايتىپ، بولاشاق جوسپارلارىمەن ءبولىستى. جەرگىلىكتى جەرلەردەگى ءوز جۇمىستارى تۋرالى 4 ءوڭىردىڭ وكىلدەرى ەگجەي-تەگجەيلى ايتىپ بەردى:
• احمەتجانوۆا ب. س.، «مەڭدىقارا اۋدانىنىڭ ءبىلىم ءبولىمى» مم ادىسكەر-پسيحولوگى;
• كارباەۆا ج.س. «قارابالىق اۋدانىنىڭ ءبىلىم بەرۋ ءبولىمىنىڭ ا. قۇنانباەۆ اتىنداعى قارابالىق ورتا مەكتەبى» كمم ديرەكتورى;
• ەستەكوۆا ج.س. «امانگەلدى اۋدانىنىڭ ءبىلىم بەرۋ ءبولىمى» مم تاربيە جۇمىسى جونىندەگى ادىسكەرى;
• «جىتىقارا اۋدانىنىڭ ءبىلىم ءبولىمى» مم پەداگوگ-پسيحولوگى;
قورىتىندى بولىمدە كونفەرەنتسيا قاتىسۋشىلارى وڭىرلىك ورتالىققا جانە جەكە پەترەنكو ەلەنا الەكساندروۆناعا پايدالى جانە وزەكتى اقپارات ءۇشىن ۇلكەن العىستارىن ءبىلدىردى.
