قوستاناي وبلىسى جاستارىنىڭ 34 كوللەدجدە ساپالى كاسىپتىك ءبىلىم الۋعا، سۇرانىستاعى ماماندىققا يە بولۋعا مۇمكىندىگى بار. جاڭا وقۋ جىلىندا كوللەدجدەردە 22 مىڭنان استام ادام ءبىلىم الۋدا.
28-قىركۇيەكتە قر ءبىلىم جانە عىلىم ءمينيسترى اسحات قاناتۇلى ايماعامبەتوۆ قوستاناي جوعارى پوليتەحنيكالىق كوللەدجىنە بارىپ قايتتى.
قوستاناي جوعارى پوليتەحنيكالىق كوللەدجى 2019 جىلى «Talap» كەاق رەيتينگىسىندە 1 ورىنعا يە بولدى، رەيتينگتە كوشباسشىلىق ورىندى ۇستاپ وتىر.
قازاقستان رەسپۋبليكاسىنىڭ «جاس مامان» جوباسى ماتەريالدىق-تەحنيكالىق بازانى جاڭعىرتۋعا جانە قازىرگى ەڭبەك نارىعىندا سۇرانىستاعى مامانداردى دايارلاۋ تيىمدىلىگىن ارتتىرۋعا مۇمكىندىك بەردى. وسى ماقساتتار ءۇشىن شامامەن 3 ملرد.تەڭگە باعىتتالدى.
«جاس مامان» جوباسى بويىنشا قوستاناي جوعارى پوليتەحنيكالىق كوللەدجىندە 10 زەرتحانا مەن وقۋ-وندىرىستىك شەبەرحانالار ءۇشىن جەتەكشى الەمدىك برەندتەردىڭ زاماناۋي وقۋ جابدىعى ساتىپ الىندى.
ساپار بارىسىندا ءبىلىم ءمينيسترى اسحات قاناتۇلى ايماعابەتوۆكە «ەلەكترمەن جابدىقتاۋ» جانە «نان ءپىسىرۋ، ماكارون جانە كونديتەر ءوندىرىسى» ماماندىقتارى بويىنشا يننوۆاتسيالىق جابدىقپەن جابدىقتالعان زەرتحانالار مەن شەبەرحانالار كورسەتىلدى.
قوستاناي جوعارى پوليتەحنيكالىق كوللەدجى وبلىستا ەڭ ءبىرىنشى بولىپ دۋالدى نەگىزدە مامانداردى دايارلاۋدى باستادى. «بايان-سۇلۋ»، «سارىارقااۆتوپروم»، «قوستاناي اۆتومەحانيكالىق زاۋىتى»، «اگروماشحولدينگ» سياقتى وڭىردەگى ءىرى كاسىپورىندار كوللەدجدىڭ الەۋمەتتىك سەرىكتەستەرى بولدى. بۇل كوللەدج بەن ءوندىرىستىڭ ءوزارا ءىس-قيمىلىنىڭ ۇلگىسى بولىپ تابىلادى.
2015 جىلدان باستاپ كوللەدج WorldSkills كاسىبي شەبەرلىك كونكۋرسىن ايماقتا جانە رەسپۋبليكادا دامىتۋعا بەلسەندى ات سالىسادى، قۇزىرەتتىلىكتەر ورتالىعى جۇمىس ىستەيدى.
قۇزىرەتتىلىكتەر ورتالىعى «سەرىكتەستىك الاڭى» جوباسى اياسىندا وبلىس كوللەدجدەرىنىڭ وقۋشىلارىن دايىنداۋ ءۇشىن جاڭا زەرتحانالار مەن شەبەرحانالاردىڭ مۇمكىندىكتەرىن پايدالانا وتىرىپ، جەلىلىك ءوزارا وقىتۋ جۇيەسىن ىسكە اسىرادى.
كوللەدجدە ءموبيلدى روبوتوتەحنيكا بويىنشا كۋرستار وتكىزۋ، ءىت-قۇزىرەتتىلىكتەر بويىنشا جوبالاۋ قىزمەتىن جەتىلدىرۋ ءۇشىن ءىت-ورتالىق قۇرىلعان.
اسحات ايماعامبەتوۆ تەگىن كاسىپتىك جانە تەحنيكالىق ءبىلىم الۋ، WorldSkills حالىقارالىق ستاندارتتارىن قولدانۋ جانە جاستار اراسىندا جۇمىسشى ماماندىقتارىن تانىمال ەتۋ ماڭىزدىلىعىن اتاپ ءوتتى.
