قوستانايدا جىلىنا 45 مىڭ توننا شويىن قۇياتىن زاۋىت ىسكە قوسىلادى

2009
Adyrna.kz Telegram

قوستاناي وبلىسىندا رەسەيدىڭ «كاماز» جاريا اكتسيونەرلىك قوعامىمەن بىرلەسىپ جىلىنا 45 مىڭ توننا شويىن قۇياتىن زاۋىتىن ىسكە قوسىلادى.

قر يندۋستريا جانە ينفراقۇرىلىمدىق دامۋ ۆيتسە-ءمينيسترى مارات قاراباەۆ قازاقستان ماشينا جاساۋشىلارىنىڭ ءىح فورۋمىندا وسىنداي مالىمەت ايتتى.

«سونىمەن قاتار، قوستاناي وبلىسىندا 2024 جىلى رەسەيدىڭ «كاماز» جاريا اكتسيونەرلىك قوعامىمەن بىرلەسىپ جىلىنا 45 مىڭ توننا شويىن قۇياتىن زاۋىتتى ىسكە قوسۋ جوسپارلانۋدا. ودان قوزعالتقىشتار مەن كوپىر ارقالىقتارى جاسالادى. سونداي-اق، جۇك تەحنيكاسىنا ارنالعان جەتەكشى كوپىرلەردىڭ باستى بەرىلىستەرىن شىعاراتىن زاۋىت سالىنادى. ونىڭ قۋاتى جىلىنا 65 مىڭ دانا بۇيىم شىعارۋعا مۇمكىندىك بەرەدى. بۇل جوبالاردىڭ ءبارى تولىعىمەن ەكسپورتقا باعدارلانباق»، - دەدى ۆيتسە-مينيستر.

سونىمەن قاتار مارات قاراباەۆ قاراعاندى وبلىسىنىڭ ساران قالاسىنداعى شينا جاساۋ جوباسى ىسكە قوسىلعانىن ەسكە سالدى.

«بۇل زاۋىتتىڭ جىلىنا 3,5 ملن شينانى شىعارا الادى. سونىمەن قاتار، جاقىن ارادا وندىرىلەتىن كومپونەنتتەردىڭ ءتىزىمىن ەداۋىر كەڭەيتۋ جوسپارلارى بار»، - دەدى ۆەدومستو وكىلى.

پىكىرلەر