شاشباۋ قىزدىڭ ابىرويىن شاشپاۋ ءۇشىن تاعىلادى

6047
Adyrna.kz Telegram

قازاق حالقىنىڭ ءاربىر ىرىمىنا، تيىمىنا، سالت-داستۇرىنە بايىپتاپ قاراساڭىز، كىشكەنتاي عانا دۇنيەنىڭ ارعى جاعىندا ۇلكەن ماعىنا جاتقانىن بايقاعان بولارسىز؟! قازاقتىڭ ۇل-قىزدى تاربيەلەۋدەگى دانالىعى مەن مادەنيەتىنە وسى ءبىر ايعاقتار دالەل بولىپ تۇر. كەزىندە نازىك جاندىنىڭ بارلىعى دەرلىك قولاڭ شاشقا ءسان بەرىپ ويۋلانعان شاشباۋ، كۇمىستەلگەن شولپى تاققان. ال، قازىرگى ۋاقىتتا شاشباۋ تۇرماق، شاشى ۇزىن قىزدى سيرەك كەزدەستىرەمىز.

قازاق حالقى تۇرمىسقا شىقپاعان قىزىنا مىندەتتى تۇردە اتاۋلى اشەكەيلەردى تاقتىردى. بۇل اشەكەيلەر سول زامانعى قىز اتاۋلىنىڭ سيمۆولى ىسپەتتى. سونىمەن، شاشتىڭ ادەمىلىگىن ارتتىرعان بۇل بۇيىمداردى تاعۋداعى تۇپكى ماعىنا قانداي؟ شولپى شاشتىڭ ۇشىنا، شاشباۋ بۇرىمنىڭ تۇبىنە ءىلىنىپ شاشپەن بىرگە ورىلەدى. وسىلايشا، شاش سالماعى اۋىرلانىپ، ەرتە كۇنىنەن وسى اشەكەيلەردى تاققان قىز ارقاسىن ءتۇزۋ ۇستاپ، ءساندى جۇرە الادى. سونىمەن قاتار، شولپى سالماعىنىڭ ارقاسىندا شاش تا ۇزىن بولىپ ءوسىپ، اۋىر سالماقتىڭ اسەرىنەن كۇندەلىكتى باس اۋرۋى دەگەن تۇسىنىك بولماعان. قوڭىراۋلى شولپى تاعۋ ارقىلى قىزدىڭ ارتىق وعاش قيمىل جاساماۋىنا ءمان بەرگەن. اشەكەيدىڭ سىڭعىرلاپ داۋىسىنىڭ ەستىلى باستاعانى، ياعني ۇيگە قىز بالا كىرىپ كەلە جاتقانى دەپ ۇلكەندەر رەتتەلىپ، جيناقتالىپ وتىرعان. شاشباۋدىڭ دىبىسى ءجيى، قاتتى شىقسا ۇشقالاق، سۋماڭ قىلىقتى قىز بولعانى، ال اقىرىن عانا ەستىلگەن شاشباۋلى قىزدىڭ مىنەزى وتە سابىرلى، بيازى، نازىك ەكەنىن اڭعارتقان.


massaget.kz

پىكىرلەر