كليماتتىڭ وزگەرۋىنە بايلانىستى ءتۇيىن جاساعان ساراپشىلار جاھاندىق جىلىنۋ ادامداردىڭ جاپپاي سوزىلمالى بۇيرەك جەتكىلىكسىزدىگى ەپيدەمياسىنا شالدىعۋى مۇمكىن ەكەندىگىن ايتتى دەپ حابارلايدى "ادىرنا" ۇلتتىق پورتالى.
"ريا ءنوۆوستيدىڭ" حابارلاۋىنشا، دارىگەرلەر سوزىلمالى بۇيرەك اۋرۋىنىڭ كوبەيۋى الداعى ونجىلدىقتاردا ورىن الادى دەپ بولجاپ وتىر. سەبەبى الداعى جىلدارى الەم بويىنشا تەمپەراتۋرا كوتەرىلەدى دەپ كۇتىلۋدە. اسىرەسە، اۋىر فيزيكالىق جۇمىس ىستەيتىن ادامدار اراسىندا اتالعان اۋرۋدىڭ ارتۋ قاۋپى جوعارى.
اپتاپ ىستىق كۇندەر سانى ارتىپ، سىناپ باعانى كوتەرىلگەن سايىن، جۇمىسشىلار، اسىرەسە، تروپيكالىق جانە سۋبتروپيكالىق ايماقتاردا ءومىر سۇرەتىن الەم حالقىنىڭ ۇشتەن ەكىسى ىستىقتىڭ سوعۋىنان اۋلاق بولۋى قيىنعا سوعادى. ىستىق سوعىپ، دىڭكەنى قۇرتۋ ميلليونداعان ادامداردىڭ ومىرىنە قاۋىپ توندىرەدى جانە كەدەيلىكتى تومەندەتۋگە باعىتتالعان بارلىق كۇش-جىگەردى جوققا شىعارادى، - دەپ حابارلايدى اگەنتتىك كليماتتىڭ وزگەرۋى بويىنشا ۇكىمەتارالىق ساراپشىلار توبىنىڭ (IPCC) بۇرىنعى مۇشەسى تورد كەللسترومنىڭ ءسوزىن كەلتىرىپ.
باسىلىمنىڭ حابارلاۋىنشا، ورتالىق امەريكانىڭ شىجىعان اۋىلدىق ايماقتارىندا، مىسالى، سالۆادور مەن نيكاراگۋادا، اۋىلشارۋاشىلىق جۇمىسشىلارى بۇيرەك اۋرۋلارىنان ولە باستاعان.
سونىمەن قاتار دارىگەرلەر ورتالىق امەريكانىڭ باسقا بولىكتەرىندە، امەريكادا، تاياۋ شىعىستا، افريكا مەن ءۇندىستاندا وسىنداي جاعدايلاردىڭ كوبەيىپ جاتقانىن ايتادى.
"ادىرنا" ۇلتتىق پورتالى.
