سينوپتيكتەر اقپان ايىنا ارنالعان اۋا رايى بولجامىن جاريا ەتتى، - دەپ حابارلايدى "قازگيدرومەت".
كونسۋلتاتيۆتىك بولجامعا سايكەس اقپان قارلى، اتلانتيكا اۋداندارى مەن كاسپيدىڭ وڭتۇستىگىنەن تسيكلونداردىڭ ءجيى وتۋىنە بايلانىستى ەلدىڭ سولتۇستىگىندە 15-20 م/س دەيىن جەل كۇشەيىپ، قار جاۋىپ، بوران سوعىپ، وڭتۇستىگىندە جاۋىن-شاشىن، تۇمان جانە كوكتايعاق بولادى دەپ بولجانىپ وتىر.
"اۋا تەمپەراتۋراسى: سولتۇستىك جارتىسىندا تۇندە 25...35 اياز، كۇندىز 15...25 اياز; وڭتۇستىك جارتىسىندا 10...20 اياز، كۇندىز 5...10 ايازعا دەيىن تومەندەيدى. ناتيجەسىندە اۋانىڭ ورتاشا ايلىق تەمپەراتۋراسى باتىس قازاقستان، اتىراۋ، ماڭعىستاۋ، اقتوبە، قوستاناي، قىزىلوردا، وڭتۇستىك قازاقستان، جامبىل جانە الماتى وبلىستارىندا نورمادان 1 گرادۋسقا جوعارى، ال قالعان اۋماقتا نورماعا جۋىق بولادى دەپ بولجانادى", - دەپ حابارلادى "قازگيدرومەت" وكىلدەرى.
سينوپتيكتەردىڭ مالىمەتىنشە، جاۋىن-شاشىننىڭ ايلىق مولشەرى قوستاناي، سولتۇستىك قازاقستان، اقمولا، قاراعاندى، پاۆلودار جانە شىعىس قازاقستان، باتىس قازاقستان، اقتوبە وبلىستارىندا جانە وڭتۇستىك قازاقستان، جامبىل مەن الماتى وبلىستارىنىڭ تاۋلى جانە تاۋ بوكتەرىندەگى اۋداندارىندا نورماعا جۋىق جانە ودان كوپ، ال قالعان اۋماقتا نورمادان از تۇسەدى دەپ بولجانادى.
"قازگيدرومەت"
