ە.ا.بوكەتوۆ اتىنداعى قاراعاندى ۋنيۆەرسيتەتىندە تاريح عىلىمدارىنىڭ دوكتورى ۆيكتور كوزودويدىڭ «ءاليحان بوكەيحانوۆ. ءداۋىر تۇلعاسى» اتتى مونوگرافياسىنىڭ تۇساۋكەسەرى ءوتتى، دەپ حابارلايدى “ادىرنا” ۇلتتىق پورتالى قازاقپاراتقا سىلتەمە جاساپ.
رەسەي پروفەسسورىمەن كەزدەسۋگە زيالى قاۋىم وكىلدەرى، جوو ستۋدەنتتەرى مەن وقىتۋشىلارى كەلدى.
ۆيكتور كوزودويدىڭ زەرتتەۋ مۇددەلەرىنە ءسىبىر مەن رەسەي رەۆوليۋتسياسىنىڭ قوعامدىق-ساياسي ءومىرىنىڭ تاريحى، سونداي-اق تاريحي تۇلعالاردىڭ ءومىربايانى كىرەدى.
«ءاليحان بوكەيحانوۆ. ءداۋىر تۇلعاسى» كىتابىن جازۋعا ەكى جىل ۋاقىت جۇمسالعان. تاريحشى قازاق ساياساتكەرى مەن قوعام قايراتكەرى تۋرالى ماتەريالداردى تىرنەكتەپ جيناعان. اقپارات كوزى رەتىندە مۇراعات قۇجاتتارى، بوكەيحانوۆتىڭ ارىپتەستەرى بولىسكەن ەستەلىكتەرى، سول جىلدارداعى گازەتتەر مەن جۋرنالدارداعى جاريالانىمدار پايدالانىلدى.
اۆتوردىڭ ايتۋىنشا، كىتاپقا بۇرىن عىلىمي اينالىمدا بولماعان دەرەكتەر ەنگەن. كىتاپ 1000 دانا تارالىممەن شىقتى. باسىلىم نوۆوسيبيرسكىدە باسىلعان. الداعى ۋاقىتتا مونوگرافيانى قازاق جانە اعىلشىن تىلدەرىنە اۋدارۋ جوسپارلانىپ وتىر.
“ادىرنا” ۇلتتىق پورتالى
