قاراشانىڭ 4-ىنەن 5-ىنە قاراعان ءتۇنى وزبەكستاندى قۇمدى داۋىل باسىپ، سونىڭ سالدارىنان اۋاداعى شاڭنىڭ رۇقسات ەتىلگەن كونتسەنتراتسياسى 30 ەسەدەن اسىپ كەتتى. بۇل تۋرالى وزگيدرومەتتىڭ ءباسپاسوز حاتشىسى مۋنيسا اسىلحودجاەۆا ايتتى.
"رەسپۋبليكادا وتە سيرەك كەزدەسەتىن تابيعي قۇبىلىس – شاڭدى-قۇمدى داۋىلدىڭ سالدارىنان اۋاداعى شاڭنىڭ كونتسەنتراتسياسى اۋەلى نورمادان 30 ەسە جوعارى بولسا، قازىر كونتسەنتراتسيا نورمادان 10 ەسە اسىپ وتىر", - دەدى وزگيدرومەت وكىلى. ونىڭ ايتۋىنشا، رەسپۋبليكاداعى ەڭ شاڭدى اۋا كورسەتكىشى تاشكەنتتە بايقالادى. كەشە تۇندە قالادا كورۋ مۇمكىندىگى 200 مەترگە دەيىن تومەندەپ، جاعداي شامالى عانا جاقسارعان.
وزبەكستان دەنساۋلىق ساقتاۋ مينيسترلىگى ءباسپاسوز قىزمەتىنىڭ حابارلاۋىنشا، اۋانىڭ شاڭدىلىعى اللەرگيالىق اۋرۋلاردىڭ كۇرت وسۋىنە سەبەپ بولعان. تەك وتكەن تاۋلىكتە وسى سەبەپتى 1000-نان استام ازاماتتاردى اۋرۋحاناعا جاتقىزۋ جاعدايى تىركەلدى، سونداي-اق مەديتسينالىق مەكەمەلەرگە بىرنەشە مىڭ وتىنىشتەر تىركەلدى. وتىنىشتەردىڭ جالپى سانىنىڭ 678-ءى تىنىس الۋىنىڭ بۇزىلۋىنا شاعىمدانعان. جەدەل جاردەم بريگادالارى ازاماتتارعا العاشقى مەديتسينالىق كومەك كورسەتىپ، اۋىر حالدە جاتقانداردى اۋرۋحاناعا جاتقىزدى. گيدرومەتەورولوگتار ءانومالدى تابيعات قۇبىلىسى بىرنەشە كۇنگە سوزىلادى دەپ بولجاپ وتىر.
"ادىرنا" ۇلتتىق پورتالى
