گرەكيادا عاسىر الاياقتىعى تەرگەلۋدە. پوليتسيا ون مىڭداعان انتيۆاكسەرلەردىڭ دارىگەرلەرگە «نەرو» (گرەكشە سۋ) ەكپەسىن الۋ ءۇشىن پارا بەرگەنىن انىقتادى. الايدا، قىلمىستىق قۋدالاۋدان قورىققان دارىگەرلەر سىياقى الۋدى ۇمىتپاستان، ولارعا covid-19-عا قارسى ناعىز ۆاكتسينانى سالىپتى، دەپ حابارلايدى "ادىرنا" ۇلتتىق پورتالى.
گرەكيانىڭ Megatv.com تەلەارناسىنىڭ حابارلاۋىنشا، الاياقتىققا 100 مىڭعا جۋىق انتيۆاكسەرلەر قاتىسىپ، دارىگەرلەرگە جالعان ۆاكتسيناتسيا ءۇشىن 400 ەۋرو تولەگەن.
- بۇگىنگى تاڭدا افينىداعى ۆاكتسيناتسيا ورتالىقتارى، باتىس ماكەدونياداعى كارديتسا جانە پەلوپوننەستىڭ بىرنەشە اۋداندارى سوتتالۋلار مەن حابارلامالاردىڭ داۋىلىنان كەيىن دەنساۋلىق ساقتاۋ ينسپەكتورلارىنىڭ تۇراقتى تەكسەرۋلەرىندە، - دەپ حابارلايدى تەلەديدار.دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا، بۇگىنگى كۇنى گرەكيا حالقىنىڭ 61%-ى كوروناۆيرۋستىق ينفەكتسياعا قارسى ەكپە الدى.
"ادىرنا" ۇلتتىق پورتالى
