رەسەي كوروناۆيرۋستان ولگەندەر قاتارىندا ءبىرىنشى ورىنعا شىقتى

رەسەي الەم بويىنشا كوروناۆيرۋستان ولگەندەر قاتارىندا ءبىرىنشى ورىندا شىقتى، دەپ حابارلايدى "ادىرنا" ۇلتتىق پورتالى. بۇعان 6 قاراشا، سەنبى قورىتىندىسى بويىنشا Worldometers سايتىنداعى دەرەكتەر دالەل بولا الادى.  رەسەيدە ءبىر كۇندە كوروناۆيرۋستان 1 179 ءولىم تىركەلدى. سونىمەن قاتار، رەسەي كوروناۆيرۋس جاعدايلارىنىڭ كۇندەلىكتى ءوسۋى بويىنشا الەمدە ءبىرىنشى ورىنعا يە بولدى. وتكەن تاۋلىك ىشىندە رەسەيدە  39 165 جاڭا ينفەكتسيا تىركەلدى.  ەكىنشىسىندە - ۇلىبريتانيا، وندا 30 305 ادام جۇقتىرعان. ءۇشىنشى ورىنعا تۇركيا تاۋلىگىنە 25 304 اۋرۋ جاعدايىمەن شىقتى. ءتورتىنشى ورىندا — اقش (+23 165), بەسىنشى ورىندا — گەرمانيا (+20 701). ايتا كەتەيىك، بۇعان دەيىن EA Daily رەسەيدىڭ بەس ايماعىنداعى اۋىر ەپيدەميولوگيالىق جاعدايعا بايلانىستى جۇمىس ىستەمەيتىن كۇندەر رەجيمى ۇزارتىلعانىن حابارلاعان بولاتىن.

"ادىرنا" ۇلتتىق پورتالى