جانبولات ماماي مەن ينگا يمانباەۆا الماتى بيۋدجەتىنە 280 032 تەڭگە تولەيدى، دەپ حابارلايدى "ادىرنا" ۇلتتىق پورتالى بايبەكتىڭ وكىلى ايجان تاشەنوۆانىڭ facebook-پاراقشاسىنا سىلتەمە جاساپ.
ەستەرىڭىزگە سالساق، بۇگىن جانە كەشە الماتى قالاسى سوتىنىڭ اپەللياتسيالىق القاسىندا جانبولات ماماي مەن ينگا يمانباەۆانىڭ سوت شەشىمىن ورىنداماعانىنا بايلانىستى زاڭگەر ەرلان قاليەۆتىڭ №2 اۋەزوۆ اۋداندىق سوتىنىڭ مەملەكەت كىرىسىنە ءوسىمپۇل ءوندىرىپ الۋ تۋرالى شەشىمىنە قاتىستى بەرگەن جەكە شاعىمدارى قارالعان بولاتىن.«سوت بورىشكەرلەردىڭ تالاپتارىن قاناعاتتاندىرۋدان باس تارتتى. بۇل جاعدايدا، ولارعا ەندى الماتى بيۋدجەتىنە جالپى 280 032 تەڭگە تولەۋگە تۋرا كەلەدى. سوتتىڭ شاعىمدى قاناعاتتاندىرۋدان باس تارتۋى جانە ونىڭ سەبەپتەرى وتە قاراپايىم. مەن وسىعان دەيىن جازعانىمداي، جەكە شاعىم زاڭنامالىق تۇرعىدا ساۋاتسىز دايىندالعان. سونىمەن قاتار، شاعىمدا سوت شەشىمىنىڭ كۇشىن جويۋ ءۇشىن بىردە-ءبىر زاڭدى نەگىز جوق»، - دەپ جازدى باۋىرجان بايبەكتىڭ وكىلى ايجان تاشەنوۆا ءوزىنىڭ Facebook-تەگى پاراقشاسىندا.
سونىمەن قاتار، ا.تاشەنوۆا مامايدىڭ وتىرىسقا جەكە قاتىسپاۋدى ءجون كورىپ، پروتسەستى تىكەلەي ەفيرگە ترانسلياتسيالاۋدان باس تارتقانىن دا حابارلادى.«وسى سوت پروتسەستەرى بورىشكەرلەردىڭ ىشكى موتيۆتەرى مەن شىنايى بەينەلەرىن، ولاردىڭ بارلىق مالىمدەمەلەرىنىڭ نەگىزسىزدىگى مەن جالعاندىعىن اشىپ كورسەتتى. باسقاشا بولۋ مۇمكىن دە ەمەس: جاۋاپكەرلەر ءبىرىنشى جانە ەكىنشى ينستانتسيالارداعى سوتقا ماعان سەنىم ءبىلدىرۋشى ب.بايبەككە قاتىستى وزدەرىنىڭ ويدان شىعارىلعان جانە تولىقتاي جالعان ايىپتاۋلارىنا بىردە-ءبىر دالەل، فاكتى، قانداي دا ءبىر قۇجات ۇسىنا المادى»، - دەيدى زاڭگەر.
"ادىرنا" ۇلتتىق پورتالى.
