قازان ايىنىڭ 20-شى جۇلدىزى ۇلت ۇستازى ىبىراي ءالتىنساريننىڭ تۋعان كۇنى. بيىل ءبىلىمنىڭ العاشقى قوڭىراۋى اتانعان ۇستازدىڭ 180 جىلدىعى. وسىعان وراي قالامىزداعى ى.التىنسارين اتىنداعى مامانداندىرىلعان مەكتەپ-ينتەرناتىندا قازق ءتىلى مەن ادەبيەتى جانە تاريح ءپانىنىڭ ونكۇندىگى ۇيىمداستىرىلدى.
بۇل اپتالىق اياسىندا مەكتەپ-ينتەرناتتىڭ جوعارى سىنىپ وقۋشىلارى بىلىمدەرىن شىڭدايتىن سايىستارعا قاتىستى. سونىمەن قاتار وزدەرىنە ارنالعان تانىمدىق ءىس-شارالارعا قاتىستى.
اتاپ ايتاتىن بولساق، وقۋشىلارعا ارنالعان «ءتىل جاناشىرى» بىلىمدىلەر سايىسى، «دالا قوڭىراۋى» وبلىستىق ەسسە سايىسى، «ىبىراي اشقان مەكتەپتەر تاريحى» دوڭگەلەك ۇستەلى، «تاريح قادامدارى» زياتكەرلىك سايىسى جانە باسقا دا تانىمدىق جاعى مول شارالار بولىپ ءوتتى.
بۇل باستاماعا وقۋشىلاردىڭ بارلىعى بىردەي اتسالىسىپ، وزدەرىنىڭ ءبىلىم كوكجيەكتەرىن كەڭەيتە ءبىلدى.
-بۇل اپتالىق قىۆزىقتى وقيعالارعا تولى بولدى. شاكىرتتەرىمىز ىبىراي التىنسارين جايىندا مول ماعۇلىمات الدى. ولار كوپتەگەن سايىستارعا قاتىسا وتىرىپ، بىلىمدەرىن تولىقتىردى. جەڭىمپاز اتانعاندارى دا بار. ارينە، وسىنداي تاعىلىمى مول اپتالىقتار ءبىزىم وردامىزدا ءجيى ۇيىمداستىرىلىپ تۇرادى،-دەيدى ديرەكتوردىڭ وقۋ ءىسى ءجونى بويىنشا ورىنباسارى گۇلنۇر ماعزۇم.
ۇستازدىڭ ارتىندا قالعان ءىزى ماڭگىلىك. ونىڭ سالعان سارا جولىمەن ەلىمىزدىڭ بۇگىنگى ءبىلىم سالاسى قۇرىلىپ وتىرعانى ايقىن.
اياگوز كاكىمجانوۆا
