التىن شوقى ۇلىتاۋ اۋدانى، ۇلىتاۋ شوقىسى ماڭىندا ورنالاسقان.
XV ع. جاتاتىن بۇل تاريحي ورىننىڭ تاريحىنا كەلەر بولساق، ۇلىتاۋ جوتاسىندا (قاراعاندى وبلىسى ) ءامىر تەمىر (1336 - 1405) بەلگى قالدىرعان تاۋ. التىن وردا حانى توقتامىسقا قارسى جورىققا شىققان ءامىر تەمىر ۇلىتاۋعا كەلگەندە التىن شوقىنىڭ باسىنا ۇلكەن قۇلپىتاس ورناتۋعا بۇيرىق بەرگەن. ول تاسقا شەبەرلەر مىناداي سوزدەردى قاشاپ جازعان:
"تاريحتىڭ جەتى ءجۇز توقسان ەكىنشى قوي جىلى، جازدىڭ ارا (شىلدە) ايى. تۇراننىڭ سۇلتانى تەمىربەك ءجۇز مىڭ اسكەرىمەن توقتامىس حانعا سوعىسپاققا جۇرەدى. بۇل جەردەن ءوتىپ بارا جاتىپ، بەلگى بولسىن دەپ وسى جازۋدى قالدىردى. "ءتاڭىرى ناسىپ بەرسىن. ءىنشاللا، ءتاڭىرى بۇل كىسىگە راقىم قىلىپ، بارشا ادام ەسىنە الىپ ءجۇرسىن".
قۇلپىتاستى اكادەميك ق.ساتباەۆ 20 عاسىردىڭ 30-جىلدارى ەكسپەديتسيالىق جۇمىستار كەزىندە تاپقان. قازىر سانكت-پەتەربۋرگتەگى ەرميتاجدا ساقتاۋلى. جازۋدىڭ تۇپنۇسقاسىنداعى ءتىلى قازىرگى قازاق تىلىنە وتە جاقىن.
“رۋحاني جاڭعىرۋ” باعدارلاماسى اياسىندا
قاراعاندى وبلىسى اكىمدىگىنىڭ مادەنيەت،
ارحيۆتەر جانە قۇجاتتاما باسقارماسى مەن
“ادىرنا”ۇلتتىق پورتالىنىڭ بىرلەسكەن جوباسى
