ا.لۋكاشەنكو بەلورۋس حالقىمەن ەكىنشى دۇنيەجۇزىلىك سوعىس ءۇشىن ءالى ەسەپ ايىرىلىسپاعانىن باسا ايتتى دەپ حابارلايدى "ادىرنا" ۇلتتىق پورتالى.
بەلارۋس باسشىسى الەكساندر لۋكاشەنكو BBC News-كە بەرگەن سۇحباتىندا رەسەي مەن ناتو-نىڭ يادرولىق سوعىسقا قاتىسۋ مۇمكىندىگى تۋرالى ايتتى.
"ەگەر ءبىز وسى جەردە، بەلارۋستە سوعىس باستاساق، وعان ناتو دا، رەسەي قاتىسادى، بۇل — يادرولىق سوعىس", - دەدى بەلارۋس باسشىسى.
ول سونداي-اق ەكىنشى دۇنيەجۇزىلىك سوعىس ءۇشىن بەلورۋس حالقىمەن ءالى ەسەپ ايىرىلىسپاعانىن اتاپ ءوتتى. "سول سوعىس باستالعاننان بەرى ءالى 100 جىل وتكەن جوق، ال الەم جاڭا سوعىستى باستاۋعا تىرىسىپ جاتىر", - دەدى لۋكاشەنكو.
سونداي-اق سۇحباتىندا لۋكاشەنكو پولشا قاۋىپسىزدىك كۇشتەرىنىڭ برۋزگي باقىلاۋ-وتكىزۋ بەكەتى ماڭىندا ميگرانتتارمەن قاقتىعىس كەزىندە بەلارۋس مەملەكەتتىك شەكاراسىن بۇزعانىن ايتتى.
ول ىرگەلەس اۋماققا ەشكىمنىڭ "قارۋدى دا بۇرا المايتىنىن" باسا ايتتى. سونىمەن قاتار، ول ءوز ەلىنىڭ اسكەريلەرى تاياۋ شىعىستان كەلگەن ميگرانتتارعا پولشامەن شەكارادان وتۋگە كومەكتەسكەنىن مويىندادى.
"ادىرنا" ۇلتتىق پورتالى.
