اعىمداعى جىلعى شىلدە ايىنىڭ 7 مەن تامىز ايىنىڭ 7 كۇندەرى ارالىعىندا «Visit Shymkent» ورتالىعىنىڭ ۇيىمداستىرۋىمەن موبيلوگرافتار اراسىندا بايقاۋ ءوتتى.
ءبىر اي بويى جالعاسقان بايقاۋعا 15-25 جاس ارالىعىنداعى 20-عا جۋىق موبيلوگرافتار باق سىناسىپ، ءوز ماتەريالدارىندا شىمكەنتتىڭ تۋريستىك نىساندارىن كورسەتۋگە تىرىستى. ۇزاقتىعى 1 مينۋتقا دەيىنگى شىمكەنت قالاسىنىڭ كورىكتى ورىندارى تۇسىرىلگەن ۆيدەولار كەلىپ ءتۇستى.
شىمكەنتتىڭ تۋريستىك الەۋەتىن ارتتىرىپ، دارىندى جاستاردى قولداۋعا باعىتتالعان بايقاۋدىڭ جەڭىمپازدارىنا دەمەۋشىلەر تاراپ 100 مىڭ تەڭگە قارجىلاي سىي ۇلەستىرىلدى.
شىعارماشىل جاستاردىڭ جۇمىسىن ارنايى قازىلار القاسى انىقتادى. ادىلقازىلار قۇرامىندا – «ۇركەر» ۇلتتىق سىيلىعىنىڭ يەگەرى، كاسىپقوي فوتوگراف -ماقسات شاعىرباي جانە «TALAS FILM» كينوستۋدياسىنىڭ ديرەكتورى، رەجيسسەر – سەرىك تالاسوۆ بار. تاجىربيەلى سالا وكىلدەرى بايقاۋ قاتىسۋشىلارىنىڭ ۆيدەولاردى سارالاي كەلە جەڭىمپازداردى انىقتادى. كرەاتيۆتى ءتۇسىرىلىم جاساپ، ساپالى كادر جاساعان ۇزدىكتەر تومەندەگىدەي.
I ورىن – ايدانا شىرىنبەك، ەرنۇر قۇرايىش
II ورىن – كەلەسبەك نۇربولات
III ورىن – بايانوۆ مەيىرجان
– قىز بالالاردىڭ ۆيدەو ءتۇسىرۋ سالاسىنا بەت-بۇرعانى جانە ەر ازاماتتارمەن قاتار ساپالى روليكتەردى جاساۋى قۋانتارلىق دۇنيە. كادردا تۇنگى تۇسىرىلىمدەر بار، بۇل قىز بالاسىنىڭ تاراپىنان ۇلكەن ەڭبەك دەپ ويلايمىز.1 مينۋتتىق روليكتە كادرلار مەن مۋزىكا ۇيلەسىم تاپقان»، – دەدى ماقسات شاعىرباي.
ياعني 100 مىڭ تەڭگە قارجىلاي جۇلدە ءبىرىنشى ورىن العان ەكى قاتىسۋشىعا بەرىلدى. ەكىنشى جانە ءۇشىنشى ورىن العان ازاماتتارعا باعالى ەستەلىك سىيلىقتار مەن «العىس حاتتار» تابىستالدى.
ايتا كەتەيىك، بايقاۋعا ۇسىنىلعان ماتەريالدىڭ اۆتورلىق قۇقىعى «Visit Shymkent» اقپاراتتىق ورتالىعىنىڭ مەنشىگىنە بەرىلدى.
