تاڭعاجايىپ تاميلا

2085
Adyrna.kz Telegram

­قىرعىزدىڭ جاپ-جاس ايگىلى ءمۇسىنشى قىزى. ءسات سايىن اينالاسىن تاڭ قالدىرىپ كەلەدى. قولى تيگەن مۇسىندەرىندە ءمىن جوق. سانكت-پەتەربۋرگتەگى وقۋىن بىتىرەر كەزدە ديپلوم جۇمىسى رەتىندە الاتاۋداي ايتماتوۆتى كەسكىندەدى. ونىسى عاجاپ ەندى. بۇكىل قازاق ۇلى اقىنىمىزدى ۇلىقتاپ جاتقان تۇستا ول ونەر ورىنە ءوز ابايىن الىپ شىقتى. اباي بولعاندا قانداي!

ءمۇسىنشى قىزدىڭ ونەردەن وزگە ەشنارسەدە شارۋاسى جوق. ۇندەمەي جۇمىس ىستەگەندى عانا بىلەدى. تەك ارا-تۇرا وسىنداي بىتىرگەن دۇنيەلەرىن جەلىگە جۇكتەپ قويادى. تاميلانىڭ تىرلىگىن سودان بىلەمىز.
مىنە، "قىرعىز قىزى" دەپ اتالاتىن تاعى ءبىر ءمۇسىنىن اياقتاپتى. قاراشى ەندى... مىسقالداي ءمىن بار ما؟! سوعان قاراعاندا ساز بالشىقتى شەرتىپ جىبەرسە شەدەۆر شىعاراتىن تاميلا ماماتوۆا ءمۇسىن اتاۋلىنى قولىمەن ەمەس، جۇرەگىمەن جاسايدى-اۋ دەيمىن...

امان ءجۇرىڭىز، قىرعىزدىڭ تيتىمدەي عانا تالانتتى قىزى!

باۋىرجان ومارۇلى

پىكىرلەر