كاسپيگە بايلانىستى بەش تيىنىمدى قوسا كەتسەم. سەنات 25-ءىنشى قاراشادا زاڭ قابىلداپ پرەزيدەنتكە جىبەرىپتى. بىلۋىمشە پرەزيدەنت ءالى قول قويمادى. قول قويسا زاڭ كۇشىنە ەنەدى. بۇدان بىلاي ءموبيلدى اۋدارىمدار زاڭسىز بيزنەس رەتىندە قاراستىرالاتىن بولادى. تاكسيست، ساتۋشى، باسقا دا ادامداردىڭ جەكە سچيوتىنە اۋدارىلعان اقشالار كۇدىك تۋدىرسا سالىق ورگانى تاراپىنان العاش رەت ەسكەرتۋ بەرىلىپ كەيىننەن جاۋاپقا تارتىلاتىن بولادى. ءسىزدىڭ تۇعان كۇنىڭىز، بالاڭىز تۋىلدى دەگەن سياقتى جاعدايلاردا تۋىستارىڭىز اقشا اۋدارسا وعان جاۋاپ بەرمەيسىز. بىراق ءسىز جىلدا ءبىر رەت تۋىلاسىز. قالعان كۇندەلىكتى اۋدارىمدار ول كۇدىك تۋدىرۋى مۇمكىن. پرەزيدەنت قول قويسا كاسىپكەرلىك سالاسىنداعى ءاربىر اۋدارىمدارعا چەك بەرۋ كەرەك بولادى.
ماسەلەنىڭ ەكىنشى جاعى بار. پاندەميا باستالعالى ادامداردىڭ كوبىسى ونلاينعا ءوتىپ الدى. بۇرىن ساۋدا جاسايتىن دۇكەندە ىستەدىم. پاندەميا باستالعالى ساۋدانىڭ 80%-ىنا ونسىز دا چەك ۇرىلاتىن بولعان. ادامداردىڭ وزدەرى قولما قول اقشا تاسىپ جۇرمەيدى. قالتا ۇرىلارىنىڭ نەسىبەلەرى ازايعان ەدى. بىراق ەندى ءبارى چەك ۇرىپ كەتپەيدى. قايتادان سول قاعاز اقشاعا وتەدى كوبىسى. ول كەزدە قايتادان اقشا جوعالتۋ، قالتا ۇرىلارىنا جەم بولۋ باستالادى.
كەدەيلەرگە نەگىزى ءبارىبىر. ماسەلە ءبىزدىڭ جەمقور شەنەۋىكتەردىڭ ءالى تويماۋىندا بولىپ تۇر. ءالى كۇنگە دەيىن شەكارادان تاۋارلار زاڭسىز وتەدى. الدىمەن سونى تۋرالاۋ كەرەك. قىتايدىڭ بەرگەن دەرەكتەرى مەن قازاقستاننىڭ بەرگەن دەرەكتەرىندە ايىرماشىلىق جەر مەن كوكتەي. سولاردى تۇزەسە كاسىپكەرلەر وزدەرى ءۇشىن بارىنە چەك ۇرار ەدى. ءبىز بۇرىننان جالپىحالىقتىق دەكلاراتسياعا ءوتۋ كەرەك بولعانبىز. اكىمشىلىكتە ىستەپ مەنەن 2-3 ەسە از ايلىق الىپ جاعدايى مەنى 100 كەيدە 1000 ورايتىن ادامدار ءاربىر تيىننىڭ قايدان كەلگەنىنە ەسەپ بەرۋ كەرەك. تاكسيستتىڭ 300 تەڭگەسىن اڭدىعانشا ميللياردەر جەمقوردىڭ تابىسىن اڭدىسىن. سول كەزدە بيۋدجەتتى تولتىرامىز.
"ادىرنا" ۇلتتىق پورتالى.
