كوروناۆيرۋستىڭ جاڭا شتاممى: قازاقستان شەكتەۋلەر ەنگىزەدى

3213
Adyrna.kz Telegram

3 جەلتوقساننان باستاپ قازاقستاندا كوروناۆيرۋستىق ينفەكتسيانىڭ جاڭا شتاممىنىڭ قاۋپىنە بايلانىستى جاڭا شەكتەۋلەر ەنگىزىلەدى، دەپ حابارلايدى "ادىرنا" ءتىلشىسى.

بۇل تۋرالى ۇكىمەت وتىرىسىندا دەنساۋلىق ساقتاۋ ءبىرىنشى ۆيتسە-ءمينيسترى مارات شورانوۆ ايتتى.

ۆەدومستۆوارالىق كوميسسيا مىناداي شەشىم قابىلدادى:

  • بوتسۆانا، وڭتۇستىك افريكا، لەسوتو، ناميبيا، زيمبابۆە، موزامبيك، مالاۆي، ماداگاسكار، ەسۆاتيني، تانزانيا جانە گونكونگتان كەلگەن شەتەلدىك ازاماتتاردىڭ قازاقستانعا كەلۋىن شەكتەۋ;
  • وميكرون شتامىنىڭ نۇسقاسىنان تۋىنداعان كوروناۆيرۋس جاعدايلارى انىقتالعان ەلدەردەن كەلەتىن ادامدار ءۇشىن ۆاكتسيناتسياعا قاراماستان مىندەتتى پتر-سىناماسىن ەنگىزۋ. بۇگىندە بۇل يزرايل، چەحيا، نيدەرلاندى، بەلگيا، ۇلىبريتانيا، يتاليا، گەرمانيا، اۆستراليا، كانادا ەلدەرى;
  • پتر سىناماسىنىڭ ناتيجەسىنە قاراماستان، وميكرون شتاممىنان تۋىنداعان كوروناۆيرۋس جاعدايلارى انىقتالعان ەلدەردەن كەلگەن ادامدار جەتى كۇن بويى ءوزىن-ءوزى وقشاۋلاۋى كەرەك;
  • مىسىرمەن جولاۋشىلار اعىنىن جانە بەلگيادا مىسىردان كەلگەن ادامدا «وميكروندىق شتاممنان» تۋىنداعان كوروناۆيرۋس جاعدايىنىڭ انىقتالعانىن ەسكەرە وتىرىپ، ەگيپەتپەن اۋە قاتىناسىن توقتاتۋ قاجەت;
  • قازاقستاندا اينالىمدا جۇرگەن كوروناۆيرۋستىق ينفەكتسيا شتاممدارىنىڭ دايەكتىلىگىن جالعاستىرۋ.

ەستەرىڭىزگە سالا كەتەيىك، 26 قاراشادا وڭتۇستىك افريكادا كوروناۆيرۋستىڭ B.1.1.529 دەپ اتالاتىن جاڭا مۋتاتسياسى انىقتالعانى، وسىعان بايلانىستى دۇنيەجۇزىلىك دەنساۋلىق ساقتاۋ ۇيىمى شۇعىل كەڭەس شاقىرعانى بەلگىلى بولدى.

كەيىنىرەك وڭتۇستىك افريكادان كەلگەن جاڭا COVID-19 شتاممىنا اتاۋ بەرىلدى - ول رەسمي تۇردە گرەك ارپىمەن «وميكرون» دەپ اتالدى.

"ادىرنا" ۇلتتىق پورتالى

پىكىرلەر