30 جاستاعى ەر ادام ۇشاقتان سەكىرىپ كەتتى

3261
Adyrna.kz Telegram

اقش-تىڭ Phoenix Sky Harbor حالىقارالىق اۋەجايىندا 30 جاستاعى ەر ادام ۇشاقتان سەكىرىپ كەتتى، دەپ حابارلايدى "ادىرنا" ۇلتتىق پورتالى "Gazeta.ru" سايتىنا سىلتەمە جاساپ.

وقيعا كولورادو-سپرينگستەن ۇشاتىن 4236 رەيسىنە بولعان.

"الدىن الا مالىمەتتەر بويىنشا، ۇشاق جولاۋشىلار كەلەتىن قاقپالاردىڭ بىرىنە قاراي جىلجىپ بارا جاتقاندا، بورتتاعى جولاۋشى ارتقى جاعىنداعى ليۋك ارقىلى ۇشاقتان شىققان" — دەيدى Southwest Airlines وكىلى دەن لەندسون.

وسىدان كەيىن كاپيتان ۇشاقتى توقتاتىپ، اۋە قوزعالىسىن باسقارۋ قىزمەتىنە حابارلاعان. ەر ادام ۇشۋ-قونۋ جولاعىنا قۇلاپ، اياعىن جاراقاتتاپ العان.

جولاۋشى ۇشاقتان تۇسكەننەن كەيىن ۇشۋ-قونۋ جولاعى بويىمەن ءورت ءسوندىرۋ بەكەتىنىڭ عيماراتىنا قاراي بەت الىپ، بولمەلەردىڭ بىرىنە جابىلىپ قالعان. ءورت سوندىرۋشىلەر ەر ادامدى ەسىكتى اشۋعا ماجبۇرلەگەن. ول اياعىنان جاراقات الىپ، تەكسەرىلىپ، اۋرۋحاناعا جەتكىزىلدى.

ۇشاقتىڭ ۇشۋى ءۇزىلىس پەن ءىس-شارالاردان كەيىن باعىتقا شىقتى. لاينەر كولورادو-سپرينگسكە امان-ەسەن ۇشقانى بەلگىلى.

"ادىرنا" ۇلتتىق پورتالى.

پىكىرلەر