رەسەي ۋكراينانى تولىق باسىپ الادى. بۇل تۋرالى لدپر باسشىسى ۆلاديمير جيرينوۆسكي «كومسومولسكايا پراۆدا» راديوسىنا بەرەن سۇحباتتا ايتتى.
«ولار وندا وتىرىپ، ويلانعانشا، ءبىز وزىمىزگە قاجەت ۋكراينانىڭ بارلىق اۋماعىن باسىپ الامىز. بارلىعى قولىن كوتەرىپ، بەرىلەدى. ءبىر عانا ستسەناري بار، شەگىنۋ جانە باتىستىڭ كاپيتۋلياتسياسى. امەريكا قازىردىڭ وزىندە شەگىندى. ول تولىق ءوز كەلبەتىن كورسەتەدى. ۋكراينانىڭ بارلىق اۋماعىندا رەسەي تۋى جەلبىرەپ تۇراتىن بولادى. بەلارۋس بىزگە ءتىپتى جاقىن بولا تۇسپەك، ال بالتىق ەلدەرىندەگى ناتو اسكەرى قاشا جونەلەدى. ولار سوعىسىپ كورمەگەن»، — دەيدى جيرينوۆسكي.
ونىڭ ويىنشا اقش اسكەرى سوعىسپايدى، ال ءوزى سوعىسقا بارۋعا دايىن. باتىس اسكەري ساراپشىلارى رەسەي 2022 جىلدىڭ قاڭتارىندا باسىپ كىرۋى مۇمكىن دەگەن بولجامدى ايتۋدا.
"ادىرنا" ۇلتتىق پورتالى
