قازاقستان ينتەرنەت جىلدامدىعى بويىنشا 173-ورىندا

1784
Adyrna.kz Telegram

قازاقستاندا كولەمى 5 گبايت فايل ورتا ەسەپپەن 5,83 مبيت/سەك جىلدامدىقپەن جۇكتەلەدى. بۇل كورسەتكىش بويىنشا ەلىمىز الەم بويىنشا 173-ورىنعا تۇراقتادى.5 گبايت فايلدى جۇكتەپ الۋعا 1 ساعات 57 مينۋت قاجەت بولدى.بۇل تۋرالى تەلەكوممۋنيكاتسيالىق قىزمەت پروۆايدەرلەرىن سالىستىرۋعا ماماندانعان Cable.co.uk بريتاندىق باسىلىمىنىڭ بايانداماسىندا ايتىلدى، دەپ حابارلايدى "ادىرنا" ۇلتتىق پورتالى. 

زەرتتەۋشىلەردىڭ ايتۋىنشا، الەمدەگى ەڭ جىلدام ينتەرنەتتى ۇلىبريتانياعا تيەسىلى دجەرسي ارالىنىڭ تۇرعىندارى پايدالانادى. وندا ينتەرنەتتىڭ ورتاشا جىلدامدىعى 274 مبيت/س-تان اسادى. سونىمەن قاتار، رەيتينگتىڭ العاشقى بەستىگىندە ليحتەنشتەين (211,26 مبيت/سەك), يسلانديا (191,83 مبيت/سەك), اندوررا (164,66 مبيت/سەك) جانە گيبرالتار (151,34 مبيت/سەك) بار.

تمد ەلدەرى اراسىندا (بارلىعى 11 ەل) ەڭ جاقسى كورسەتكىشتى رەسەي كورسەتىپ وتىر – ورتاشا ەسەپپەن ەلدە 35,66 مبيت/س جىلدامدىق تىركەلدى، بۇل جالپى ەسەپتە 66-ورىنعا شىعۋعا مۇمكىندىك بەردى. كەلەسى ورىندا: ۋكراينا (25,26 مبيت/س، 77-ورىن), بەلارۋس (19,86 مبيت/س، 92-ورىن), ارمەنيا (18,05 مبيت/س، 101-ورىن), گرۋزيا (13,83 مبيت/س ، 112-ورىن), قىرعىزستان (7,44) مبيت/س، 155-ورىن), وزبەكستان (6,64 مبيت/س، 166-ورىن), تاجىكستان (1,82 مبيت/س، 211-ورىن) جانە، سايىپ كەلگەندە، تۇركىمەنستان جالپى كەستەنى الەمدەگى ەڭ باياۋ ينتەرنەتى بار ەل رەتىندە جابادى - 0,50 مبيت/س، جانە «قۇرمەتتى» 224 ورىن. مۇندا بەس گيگابايتتىق فايلدى جۇكتەپ الۋ ءۇشىن 22 ساعات 34 مينۋتتان استام ۋاقىت كەتەدى.

"ادىرنا" ۇلتتىق پورتالى

پىكىرلەر