قازاقستاننىڭ تۇڭعىش پرەزيدەنتى نۇرسۇلتان نازارباەۆ كسرو-نىڭ ىدىراۋىنا اكەلگەن سەبەپتەردى ايتتى دەپ حابارلايدى "ادىرنا" ۇلتتىق پورتالى "ريا نوۆوستيگە" سىلتەمە جااپ.
ەلباسىنىڭ ايتۋىنشا، سوتسياليستىك ەكونوميكا توتاليتارلىق، اكىمشىلىك رەسۋرستارىنان اسىپ كەتتى.
"ەكونوميكالىق بلوك باسشىلىعى مۇنى دەر كەزىندە بايقاپ، ەكونوميكانى باسقارۋعا وزگەرىستەر ەنگىزۋى كەرەك ەدى", - دەدى ساياساتكەر "روسسيا 24" ارناسىنىڭ ەفيرىندە.
سونداي-اق نازارباەۆ سول كەزدەگى ەليتانىڭ ساياسي ەرىك-جىگەرىنىڭ دە جەتىسپەگەنىن اتاپ ءوتتى. ەكونوميكاداعى وزگەرىستەر ءتارتىپ پەن دۇرىس باعداردا جۇزەگە اسۋى كەرەك ەدى.
ەكس-پرەزيدەنت ەكونوميكاسىن قالپىنا كەلتىرە العان قىتايدى مىسالعا كەلتىردى. سونداي-اق نازارباەۆ 1990 جىلى 12 ماۋسىمدا رسفسر-ءدىڭ تاۋەلسىزدىگىن جاريالاۋى قالعان رەسپۋبليكالارعا بەلگى بولعانىن جەتكىزدى.
ء"بىز سوققىعا وسىلاي جاقىندادىق", - دەدى ول.
بۇعان دەيىن نۇرسۇلتان نازارباەۆ امەريكالىق كينورەجيسسەر وليۆەر ستوۋنعا بەرگەن سۇحباتىندا قازاقستاننىڭ 2014 جىلى قىرىمدى نەگە مويىنداماعانىن ايتقان بولاتىن. ونىڭ ايتۋىنشا، ول كەزدە وسەتيانى، ابحازيانى، كوسوۆونى مويىنداۋى كەرەك ەدى.
"ادىرنا" ۇلتتىق پورتالى.
