25 مەترلىك جاڭا جىل سيمۆولىن جاعۋ ءراسىمى بۇگىن، ياعني 19 جەلتوقساندا وتەدى، - دەپ حابارلايدى "ادىرنا" ۇلتتىق پورتالى ەلوردا اكىمدىگىنىڭ رەسمي سايتىنا سىلتەمە جاساپ.
ەلىمىزدىڭ جاڭا جىلدىق باس شىرشاسى ءداستۇرلى تۇردە ەكسپو كورمەسىنىڭ اۋماعىندا ورنالاسقان. بۇگىن، 19 جەلتوقساندا كەشكى ساعات 19.00-دە ەكسپو كورمەسىنىڭ اۋماعىندا "نۇر الەم" سفەراسىنىڭ جانىندا ەلىمىزدىڭ باس جاڭا جىلدىق شىرشاسىن جاعۋ ءراسىمى وتەدى.ءىس-شارانىڭ رەسمي بولىمىنەن كەيىن قوناقتار ءۇشىن مەرەكەلىك كونتسەرت وتەدى. ساحنادا تانىمال ەسترادا ورىنداۋشىلارى مەن ەلوردانىڭ جاس مۋزىكانتتارى ونەر كورسەتەدى. ولاردىڭ اراسىندا - مارجان اراپباەۆا، ءانشى دوس، رينات مالتساگوۆ بار. بۇل جاڭا جىلدىڭ باستى كەيىپكەرلەرى - اياز اتا مەن اقشاقار دا قاتىسادى.
"ادىرنا" ۇلتتىق پورتالى.
