"يرينا قايراتوۆنا" قازاقستان تاۋەلسىزدىگىنىڭ 30 جىلدىعىنا ارناپ "وتىزدان اسىپ بارامىن" اتتى فيلم ءتۇسىردى. كورەرمەن نازارىنا جول تارتقان كينوتۋىندىنى قازاقستاندىقتار جىلى قابىلداپ، جاقسى پىكىرلەرىن ايامادى، دەپ حابارلايدى "ادىرنا" ۇلتتىق پورتالى.
ستسەناريگە سايكەس YouTube جەلىسىنە شىققان وتاندىق ءفيلمنىڭ باستى كەيىپكەرى تاۋەلسىزدىكتىڭ قۇرداسى بولىپ تابىلادى. قازاقستان ازاتتىعىن العان كۇنى دۇنيەگە كەلگەن ازات ەسىمدى بالا تاۋەلسىز ەلىمەن بىرگە ءتاي-ءتاي قادام باسىپ، اقىلدى جىگىت بولىپ، اتا- اناسىنىڭ قۋانىشى بولىپ، ەر جەتەدى.
"1 ساعاتتىڭ ىشىندە قازاقستاندا نە بولعانىن كورسەتۋ، بۇل تەك مىقتىلاردىڭ ءىسى. كەرەمەت!", "مىنا فيلمنەن كەيىن شىن مانىندە ەلىمنىڭ بولاشاعىنا دەگەن جاۋاپكەرشىلىك سەزىمى وياندى. يك سىزدەرگە ۇلكەن راحمەت. بۇل فيلم ءار 16 جەلتوقساندا كۇللى قازاق كورەتىن بولار دەپ ويلايمىن! مەن جاستارعا سەنەمىن...", ء"بىزدىڭ ۋاقىت كەلدى، ءوزىمىز وزگەرمەسەك ەشتەمە وزگەرمەيدى", " تاۋەلسىزدىككە 30 جىل بولدى، ۇرى-قارىلاردان ارىلايىق جاستار. قازاقستاننىڭ دامۋى ءوزىمىزدىڭ قولىمىزدا. تاربيە تال بەسىكتەن مادەنيەتىمىزدى كورسەتۋ ءۇشىن وزىمىزدەن باستايىق", — دەپ جازدى جەلى قولدانۋشىلارى.
"ادىرنا" ۇلتتىق پورتالى
