قر ۇقك شەكارا اكادەمياسىنىڭ 2011 جىلعى تۇلەگى مايور اقىباەۆ باۋىرجان مىرزابەكۇلى ويلاماعان جەردەن بەلگىسىز ازاماتتىڭ زاڭسىز ارەكەتىن اشكەرەلەدى. كوزى قاراقتى وقىرمانعا تۇسىنىكتى بولۋ ءۇشىن وقيعا جەلىسىنە توقتالايىق.
2021 جىلدىڭ قاراشاسىندا شامامەن ساعات كەشكى 23.00 كەزىندە جەكە جۇمىستارىمەن جۇرگەن ارىپتەسىمىزدىڭ قاسىنا بەلگىسىز ءبىر ازامات كەلىپ جاعدايىن ايتىپ كولىگىمەن جاقىن ماڭداعى كاسپي بانكتىڭ بولىمشەلەرىنىڭ بىرىنە اپارىپ تاستاۋدى وتىنەدى. ويىندا ەشتەڭە جوق شەكاراشى كولىگىنە وتىرعىزىپ جولاۋشىعا كومەكتەسپەكشى بولادى. جول ۇستىندە الگى ازامات ءوزىنىڭ جەكە باسىندا قۋانىشتى جاعداي بولىپ جاتقانىن جانە اقشاسى تاۋسىلعانىن، ۇيالى تەلەفونىنىڭ بۇعاتتالىپ قالعانى مەن قۋاتى تاۋسىلىپ بارا جاتقانىن ءسوز ەتىپ، تاعى دا كومەكتەسۋىن وتىنەدى. قوزعالىس بارىسىندا مايور ب.اقىباەۆ ونىمەن اڭگىمەلەسىپ ودان العان مالىمەتتەر بويىنشا ىشتەي تالداۋ جاساپ، كۇدىكتىنىڭ ءار ءبىر ءىس-قيمىلىن ءجىتى باقىلاي باستايدى. كاسپي بانككە جەتە بەرگەندە جاڭاعى جىگىت ءوزىنىڭ تولەماقى كارتاسىنان اقشا شەشە الماي تۇرعانىن تىلگە تيەك ەتىپ، باۋىرجاننىڭ ۇيالى بايلانىسىنداعى «كاسپي بانك» قوسىمشاسى ارقىلى شەشىپ بەرۋىن ءوتىنىپ اقشالاي (120 000 تەڭگە) اۋدارادى. باۋىرجان مىرزابەكۇلى كانىگى شەكاراشى ەمەس پە، اتالمىش ازاماتتىڭ ءار ءىس-ارەكەتىن مۇقيات باقىلاپ، كۇدىكتەندى دە، ونى پوليتسيا بولىمىنە تاپسىرۋعا بەل بۋادى. سودان كەيىن ونى ءتۇسىرىپ، ءوزىنىڭ ءومىرى مەن دەنساۋلىعىنا قاۋىپ ءتونىپ تۇرعانىنا قاراماستان قويان-قولتىق ۇرىس ادىستەرىن قولدانۋ ارقىلى قولىن بۇراپ تۇرىپ ارتىنا قايىرادى. دەرەۋ پاترۋلدىك پوليتسيانى شاقىرىپ، ءىستىڭ ءمان-جايىن ەگجەي-تەگجەيلى باياندايدى.
پوليتسيا قىزمەتكەرلەرى كەلىپ كۇدىكتىنى الماتى قالاسى اۋەزوۆ اۋداندىق پوليتسيا بولىمىنە جەتكىزىپ، ونىڭ راسىمەن دە بۇرىن ءىستى بولعان قىلمىسكەر ەكەنىن انىقتايدى. كەيىننەن بەلگىلى بولعانداي الگى ازامات ءدال سول كۇنى كەشكى ساعات 21.30-دار شاماسىندا «سايران» اۆتوبەكەتىنىڭ ماڭايىنان بىرەۋدىڭ ۇيالى تەلەفونىن ۇرلاپ، ونىڭ ىشىندەگى «Whats up» الەۋمەتتىك جەلىسى ارقىلى تەلەفون يەسىنىڭ اناسىمەن ۇلىنىڭ اتىنان سويلەسىپ، ءوزىنىڭ پوليتسياعا ءتۇسىپ قيىن جايدايعا تاپ بولعانىن، سول ءۇشىن شۇعىل تۇردە اقشا كەرەكتىگىن ايتىپ، الاياقتىق جولمەن اقشا اۋدارىمدارىن جۇزەگە اسىرعان ەكەن. قوسىمشا تەرگەۋ-تەكسەرۋ امالدارىنىڭ ناتيجەسىندە اتالمىش قىلمىسكەردىڭ باسقا دا بىرنەشە قىلمىستىق ىستەرگە قاتىسى بار ەكەنى انىقتالادى.
جوعارىدا باياندالعان اقپاراتتارعا بايلانىستى الماتى قالاسىنىڭ پوليتسيا دەپارتامەنتى المالى اۋداندىق پوليتسيا باسقارماسى جانىنداعى ءبولىمى قر ۇقك شەكارا اكادەمياسىنىڭ باستىعى پولكوۆنيك پ.پوليۆانوۆقا جوعارى باسشىلىق الدىندا مايور اقىباەۆ باۋىرجان مىرزابەكۇلىنا قىلمىسكەردى انىقتاپ قۇرىقتاۋ كەزىندە باتىلدىق پەن ەرجۇرەكتىلىك تانىتقانى ءۇشىن قازاقستان رەسپۋبليكاسى ۇقك توراعاسىنىڭ قۇقىعىمەن ماراپاتتاۋدى ۇسىنىپتى.
بۇگىندە مايور ب.اقىباەۆ شەكارا اكادەمياسىنىڭ 1-فاكۋلتەتى (ارنايى تاكتيكالىق) 1-ارنايى كافەدراسىنىڭ (شەكارا قىزمەتىنىڭ تاكتيكاسى) وقىتۋشىسى. وزىنە جۇكتەلگەن جاۋاپتى مىندەتتى ابىرويلى اتقارۋعا داعدىلانعان باۋىرجان مىرزابەكۇلى قانداي جاعداي بولسا دا ادامدارعا قول ۇشىن سوزىپ كومەكتەسۋگە دايىن ەكەنىن ايتادى.
«بىرەۋدىڭ بالاسىنا زيانىم ءتيىپ وبالىنا قالدىم با، وسى ءىسىم دۇرىس پا، بۇرىس پا دەپ ويلانىپ جۇرگەنىن جەتكىزدى. مەنەن باسقا بىرەۋ بولسا دا وسىنداي ارەكەتكە بارار ما ەدى؟»، - دەيدى ول بىزگە بەرگەن سۇحباتىندا ويلى جۇزبەن.
ءسوزدىڭ شىنى كەرەك، نەگىزىندە مۇنداي قاۋىپتىلىگى باسىم تاۋەكەلگە ەكىنىڭ ءبىرى بارا بەرمەيتىنى انىق. ايتسە دە، شەكاراشى قوعامدىق قاۋىپسىزدىكتىڭ الدىن الىپ ەرلىككە پارا-پار ءىس ىستەگەنىن ماقتان تۇتىپ وتىرعان جوق. ءوز ءومىرىن قاتەرگە تىگىپ، تانىمايتىن ازاماتتىڭ قولىن قايىرىپ قۇرىقتاۋ ەرلىك پە؟ ءسىز قالاي ويلايسىز، وقىرمان؟
ج.جابىربەكوۆ ،
قر ۇقك شەكارا اكادەمياسىنىڭ
ءباسپاسوز حاتشىسى
