الماتىدا بالاباقشادا بالالاردى ۇرىپ-سوقتى دەگەن تاربيەشى وزىنە قول جۇمسادى. اقپاراتتى قالالىق پوليتسيا باسقارماسى راستادى، دەپ حابارلايدى "ادىرنا" ۇلتتىق پورتالى دەرەككوزگە سىلتەپ.
"الماتى قالاسىنىڭ پوليتسيا دەپارتامەنتى 1979 جىلى تۋعان ازاماتشا ب-نىڭ وزىنە قول جۇمساعانىن راستاپ وتىر. قازىرگى ۋاقىتتا جەتىسۋ اۋداندىق پوليتسيا ءبولىمى قر قىلمىستىق كودەكستىڭ 105-بابى بويىنشا سوتالدى تەرگەۋ امالدارىن جۇرگىزىپ جاتىر. ءمان-جاي انىقتالىپ جاتىر", - دەدى دەپارتامەنتتەگىلەر.
بۇعان دەيىن الماتىدا بەينەباقىلاۋ كامەرالارىنا ءتۇسىپ قالعان بالاباقشا تاربيەشىسىنىڭ ارەكەتى قازنەت قولدانۋشىلارىن اشۋلاندىرعانى حابارلانعان ەدى. كەيىن تاربيەشى باپ بويىنشا جۇمىستان شىعارىلعانى ايتىلدى.
الەۋمەتتىك جەلىدە بالالارعا قاتىگەزدىك تانىتقان تاربيەشىنىڭ ۆيدەوسى جاريالاندى. باسىلىم اۆتورىنىڭ ايتۋىنشا، بالالاردىڭ ەرىنى جىرىلىپ، دەنەسىندە كوگەرگەن ىزدەر قالعان.
