قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ بۇرىنعى توراعاسى كارىم ءماسىموۆ قاماۋعا الىندى. بۇل تۋرالى truestory.kz Telegram ارناسى حابارلادى.
6 قاڭتاردا قر ۇقك قازاقستان رەسپۋبليكاسى قىلمىستىق كودەكسىنىڭ 175-بابى 1-بولىگى بويىنشا «مەملەكەتكە وپاسىزدىق جاساۋ» فاكتىسى بويىنشا سوتقا دەيىنگى تەرگەۋدى باستاعان بولاتىن. سول كۇنى وسى قىلمىستى جاسادى دەگەن كۇدىكپەن ۇقك-ءنىڭ بۇرىنعى توراعاسى كارىم ءماسىموۆ پەن باسقا دا تۇلعالار ۇستالىپ، ۋاقىتشا ۇستاۋ يزولياتورىنا قامالدى.– ۇقك-ءنىڭ بۇرىنعى باسشىسى كارىم ءماسىموۆ مەملەكەتكە وپاسىزدىق جاسادى دەگەن ايىپپەن 2 ايعا قاماۋعا الىندى. بۇل تۋرالى نۇر-سۇلتان قالاسىنىڭ تەرگەۋ سوتى حابارلادى، – دەلىنگەن حابارلامادا.
“ادىرنا” ۇلتتىق پورتالى
