قازاقستاندىق اكتەر باقىت قاجىباەۆ قىتايداعى شىۇ ەلدەرى كينوفەستيۆالىندە «ۇزدىك اكتەر» جۇلدەسىن يەلەندى، دەپ حابارلايدى «ادىرنا» ءتىلشىسى.
بۇل ماراپات ونەر يەسىنە «نابات وپەراتسياسى» فيلمىندەگى باستى ءرولى ءۇشىن بەرىلگەن.
اكتەردىڭ ايتۋىنشا، بۇل – تەك ءوزىنىڭ عانا ەمەس، فيلمگە جان-تانىمەن ەڭبەك سىڭىرگەن بۇكىل شىعارماشىلىق توپتىڭ جەڭىسى. ول شىنايى وقيعاعا نەگىزدەلگەن بۇل حيكايانى جۇزەگە اسىرۋدىڭ ماڭىزىن اتاپ ءوتىپ، بارلىق كورەرمەنگە العىس ءبىلدىردى.
«نابات وپەراتسياسى» ءفيلمى 1992 جىلى قازاقستاندا بولعان شىنايى وقيعاعا نەگىزدەلگەن. اۆتوبۋستاعى 30 ادامدى
فيلم ش. ايمانوۆ اتىنداعى «قازاقفيلم» كينوستۋدياسىندا مادەنيەت جانە اقپارات مينيسترلىگى مەن ۇلتتىق كينونى قولداۋ ورتالىعىنىڭ قولداۋىمەن تۇسىرىلگەن.
ايتا كەتەيىك، باقىت قاجىباەۆ «مىرجاقىپ. ويان، قازاق!» ءفيلمى ارقىلى تانىلعان ەدى. ودان بولەك، اكتەر «قاعاز كەمە»، «دوكتور مىرزا»، قۇسايىنوۆتار. ءومىر جولى»، «اينىماس ايعانىم»، «انالىق سەزىم-2»، «پروتيۆوستويانيە»، «احمەت. ۇلت ۇستازى»، «پلەننيكي» سىندى فيلمدەر مەن سەريالدارعا تۇسكەن.