استانادا ءبىر كۇندە ءتورت بالا تەرەزەدەن قۇلاپ كەتتى، دەپ حابارلايدى "ادىرنا" ۇلتتىق پورتالى ەلوردا اكىمدىگىنە سىلتەمە جاساپ.
10 جانە 16-قاباتتان قۇلاعان بالالار العان جاراقاتتارىنان وقيعا ورنىندا كوز جۇمعان.
قازا تاپقان بالالاردىڭ ءبىرى – ءۇش جاستا، ەكىنشىسى – التى جاستا بولعان.
تاعى ەكى بالا وقيعا ورنىنان كوپتەگەن جاراقاتپەن بالالار ستاتسيونارىنا جەتكىزىلگەن. قازىر ەكەۋى دە اۋىر حالدە جانساقتاۋ بولىمىندە جاتىر.
«وكىنىشكە قاراي، بالالاردىڭ بيىكتەن قۇلاۋ وقيعالارى جىلدان جىلعا ارتىپ كەلەدى. جىل باسىنان بەرى بىزگە ءتۇرلى بيىكتىكتەن قۇلاعان 51 بالا جەتكىزىلدى. ولاردىڭ تورتەۋى العان جاراقاتتارىنان ستاتسيوناردا كوز جۇمدى»، – دەيدى №2 كوپسالالى قالالىق بالالار اۋرۋحاناسىنىڭ تراۆماتولوگ-دارىگەرلەرى.
دارىگەرلەردىڭ ايتۋىنشا، كوپ جاعدايدا بالالار ماسا
استانا قالاسىنىڭ توتەنشە جاعدايلار دەپارتامەنتى اتا-انالارعا بالانى تەرەزەدەن قۇلاپ كەتۋدەن قالاي قورعاۋ كەرەكتىگى جونىندە كەڭەس بەرەدى:
- ەگەردە بالاڭىز ۇيدە بولسا، تەرەزەلەردى اشىق ۇستاماڭىز. ءسىز ءوزىڭىزدى قاسىندامىن دەپ ويلايسىز، بىراق ءسىزدىڭ ويىڭىز بولىنگەن از عانا ۋاقىت بالاڭىزدىڭ ومىرىندە ولىمگە اكەلۋى مۇمكىن;
– ەشقاشان موسكيت تورلارىنا سەنبەڭىز بالالار ولارعا سۇيەنىپ، ونىمەن بىرگە قۇلاپ كەتەدى;
- بالاڭىز تەرەزەنى ءوز بەتىنشە اشا الماۋى ءۇشىن تەرەزەلەرگە ارنايى قورعاۋ جۇيەلەرىن (بەكىتكىشتەر، بۇعاتتاۋىشتار) ورناتىڭىز;
- بالانىڭ وزدىگىنەن تەرەزەنىڭ الدىنا شىعىپ الماۋى ءۇشىن جيھازدى تەرەزەدەن الىسىراق جەرگە ورنالاستىرىڭىز.
