رەسەيدىڭ توتەنشە جاعدايلار ءمينيسترى مەن ازەربايجاننىڭ توتەنشە جاعدايلار ءمينيسترى كەلىسسوزدەر جۇرگىزدى، دەپ حابارلايدى "ادىرنا" ۇلتتىق پورتالى.
«رەسەي توتەنشە جاعدايلار ءمينيسترى الەكساندر كۋرەنكوۆ ازەربايجاننىڭ توتەنشە جاعدايلار ءمينيسترى كيامالەددين گەيداروۆپەن ەكىجاقتى كەزدەسۋ وتكىزدى. رەسەيلىك ۆەدومستۆو باسشىسى يران مەن يزرايل اراسىنداعى سوڭعى قاقتىعىس كەزىندە رەسەيلىك ازاماتتاردى يراننان ەۆاكۋاتسيالاۋ ءىسىن ۇيىمداستىرعانى ءۇشىن ازەربايجانعا العىسىن ءبىلدىردى»، – دەلىنگەن ءباسپاسوز قىزمەتىنىڭ حابارلاماسىندا.
مينيسترلەر ەكى ەلدىڭ توتەنشە جاعدايلار ورگاندارى اراسىنداعى سەرىكتەستىكتى تالقىلاپ، ازەربايجاننىڭ ازاماتتىق قورعانىس جونىندەگى حالىقارالىق ۇيىمىنىڭ دامۋىنا قوسقان ۇلەسىن
«بۇل باعىتتاعى بىرلەسكەن جۇمىس – توتەنشە جاعدايلار قىزمەتتەرى اراسىنداعى حالىقارالىق ءوزارا ءىس-قيمىل اياسىندا قۇتقارۋ مەن ءوزارا كومەك كورسەتۋ سياقتى ىزگى ءىستىڭ باسىمدىعىن دالەلدەيدى»، – دەپ تولىقتىردى رەسەي تجم ءباسپاسوز قىزمەتى.
ەسكە سالا كەتەيىك، بۇعان دەيىن ازەربايجان سىرتقى ىستەر مينيسترلىگى رەسەي ەلشىسى ميحايل ەۆدوكيموۆتى شاقىرىپ، رەسەيلىك تاراپتىڭ دوستىققا جات ارەكەتتەرىنە بايلانىستى رەسمي نارازىلىق بىلدىرگەن ەدى
