بۇۇ مەن وزبەكستان اراسىندا قايشىلىق تۋىندادى، دەپ حابارلايدى "ادىرنا" ۇلتتىق پورتالى فەرعاناعا سىلتەپ.
بىرنەشە اي بۇرىن بۇۇ ادام قۇقىقتارى جونىندەگى كەڭەسىنىڭ ەركىنەن تىس ۇستاۋلار جونىندەگى جۇمىس توبى گۇلنار كارىموۆانىڭ قاماۋعا الىنۋىن زاڭسىز دەپ تانىپ، بۇل ارەكەتتەردىڭ حالىقارالىق ادام قۇقىقتارى ستاندارتتارىنا ساي كەلمەيتىنىن مالىمدەدى. گۇلنار كارىموۆا — وزبەكستاننىڭ تۇڭعىش پرەزيدەنتى يسلام كارىموۆتىڭ قىزى.
بۇۇ مالىمدەمەسىندە كارىموۆانىڭ قۇقىعى ورەسكەل بۇزىلعانى ايتىلدى.
2014 جىلى ول رەسمي وردەرسىز تۇتقىندالىپ، 18 ايدان استام ۋاقىت ۇيقاماقتا وقشاۋلانعان كۇيدە ۇستاعان. اعاشقى ادۆوكاتپەن كەزدەسۋى ەكى جارىم جىلدان كەيىن عانا جۇزەگە اسقان. ال العاشقى سوت تىڭداۋى ونىڭ ءۇيىنىڭ اسحاناسىندا ءوتىپ، قورعاۋ قۇقىعى تولىق ساقتالماعان.
بۇۇ مالىمدەمەسىنشە، وعان تاعىلعان ايىپتارمەن تانىسۋعا مۇمكىندىك بەرىلمەگەن، ال ادۆوكاتتار قىسىمعا ۇشىراپ، قۇپيالىق كەلىسىمدەرگە قول قويۋعا ءماجبۇر بولعان. كارىموۆا بىرنەشە رەت ۇيقاماق پەن تەرگەۋ يزولياتورى اراسىندا اۋىستىرىلىپ، بۇل شەشىمدەرگە شاعىمدانۋ قۇقىعىنان ايىرىلعانى ايتىلدى.
جۇمىس توبى بۇل ارەكەتتەردى بۇۇ بىرقاتار باپتارعا قايشى دەپ تانىدى. ولار وزبەكستان ۇكىمەتىن زاڭسىزدىقتاردى جويۋعا، كارىموۆاعا وتەماقى تولەۋگە جانە ونىڭ قاماۋعا الىنۋ جاعدايلارىن تاۋەلسىز
الايدا وزبەكستان ۇكىمەتى بۇل قورىتىندىمەن كەلىسپەيتىنىن مالىمدەدى. رەسمي تاشكەنت بۇۇ جۇمىس توبىنىڭ شەشىمى تەك بىرجاقتى اقپاراتقا سۇيەنىپ قابىلدانعانىن ايتىپ، ءوز ۇستانىمى ۋاقىتىندا جىبەرىلگەنىمەن، راسىمدىك سەبەپتەرمەن ەسكەرىلمەگەنىن ايتتى.
وزبەكستاننىڭ ايتۋىنشا، بارلىق قىلمىستىق ىستەر ۇلتتىق جانە حالىقارالىق زاڭناما اياسىندا جۇرگىزىلگەن. كارىموۆا ادۆوكاتتارعا قول جەتكىزگەن، شەشىمدەرگە شاعىمدانۋعا قۇقىعى بولعان، سوت پروتسەستەرى ءادىل وتكەن.
وزبەكستان ءىس ساياسي استاردان ادا، ال ۇكىمدەر ناقتى دالەلدەرگە نەگىزدەلگەنىن ايتتى.
بيلىك كارىموۆانى سالىقتان جالتارۋ، مەملەكەت قارجىسىن جىمقىرۋ، الاياقتىق جانە زاڭسىز بايلىقتى زاڭداستىرۋ سياقتى اۋىر قىلمىستار جاساعانى ءۇشىن ايىپتاعانىن ەسكە سالدى. سونىمەن قاتار، 2022 جىلى شۆەيتساريامەن كەلىسىم نەگىزىندە ونىڭ زاڭسىز جولمەن الىنعان اكتيۆتەرى ارقىلى قۇرىلعان Vision 2030 قورى — بۇۇ ارقىلى ەلدەگى رەفورمالار مەن تۇراقتى دامۋ ماقساتتارىن قولداۋعا باعىتتالعانىن اتاپ ءوتتى.
قازىرگى تاڭدا گۇلنار كارىموۆا تاشكەنت ماڭىنداعى كولونيادا جازاسىن وتەپ جاتىر. وزبەك ۇكىمەتى بۇۇ قۇرىلىمدارىمەن ديالوگقا اشىق ەكەنىن ءبىلدىرىپ، ۇلتتىق بەدەلىن قورعاۋ جانە شىنايى اقپاراتتى حالىقارالىق قاۋىمداستىققا جەتكىزۋ قۇقىعىن ساقتاپ قالاتىنىن مالىمدەدى.
