پەريزات قايرات ءىسى بويىنشا سوتتىڭ ءبىر بولىگى جابىق رەجيمدە وتەدى

432
Adyrna.kz Telegram
https://www.adyrna.kz/storage/uploads/RvMrjf4vty9N4Gmbu1Ctk97bYLVzw1XBYPVIKNIs.jpg

استانا قالاسىنىڭ قىلمىستىق ىستەر جونىندەگى اۋدانارالىق سوتى پەريزات قايراتتىڭ سوت وتىرىسىن جابىق فورماتتا وتكىزۋ تۋرالى ءوتىنىشىن جارتىلاي قاناعاتتاندىردى، دەپ حابارلايدى “ادىرنا” ۇلتتىق پورتالى.

سوتتىڭ شەشىمىنە سايكەس، تەك ايىپتالۋشىلاردى تەرگەۋ ءبولىمى عانا جابىق تۇردە وتەدى. سەبەبى بۇل كەزەڭدە قۇپيا دەرەكتەر مەن بانك قۇپياسى جاريا ەتىلۋى مۇمكىن.

قالعان سوت وتىرىستارى اشىق رەجيمدە وتەدى.

سوت پروتسەسى اپتا سايىن دۇيسەنبى جانە سەيسەنبى كۇندەرى وتەدى. كەلەسى وتىرىس 14 شىلدەگە بەلگىلەنگەن.

ءىس بويىنشا باستى ايىپتالۋشىلار — پەريزات قايرات پەن ونىڭ اناسى عايني الاشباەۆا. پەريزات قايرات 2024 جىلدىڭ قاراشاسىندا قاماۋعا الىنسا، اناسى ۇيقاماقتا وتىر.

تەرگەۋ نۇسقاسىنا سايكەس، پەريزات قايرات قايىرىمدىلىققا جينالعان قارجىنى جەكە قاجەتىنە جۇمساعان.

پىكىرلەر