قمدب قاجىلىقتان باس تارتقان 94 جاستاعى پاۆلودار تۇرعىنى، تىل ارداگەرىنە قاجىلىققا جولداما بەردى، دەپ حابارلايدى "ادىرنا" ۇلتتىق پورتالى.
ساعادات جۇماباەۆ ءومىر بويى قاجىلىققا بارۋ ءۇشىن جيناعان قاراجاتىن سىرقات بالا تاربيەلەپ وتىرعان انالارعا تاراتىپ بەرگەنى ءۇشىن قازاقستان مۇسىلماندارى ءدىني باسقارماسىنىڭ (قمدب) ارنايى جولداماسىنا يە بولدى.
اقساقال 13 جىلدان بەرى پاۆلودارداعى قارتتار ۇيىندە تۇرادى. ول 3,6 ميلليون تەڭگەنى 30 اناعا ءبولىپ، ارقايسىسىنا 120 مىڭ تەڭگەدەن كومەك كورسەتكەن. مەككە ساپارىنا جولدامانى ساعادات اتاعا پاۆلودار وبلىسىنىڭ باس يمامى جولداس قوسپاقۇلى ارنايى تابىستادى.
ساعادات جۇماباەۆ قاجىلىققا بارۋعا كوپ جىل دايىندالىپ، 2022 جىلى شەتەلگە شىعۋ ءۇشىن تولقۇجات تا العان.
الايدا سول جىلى ەنگىزىلگەن 65 جاس شەكتەۋىنە بايلانىستى قاجىلىققا بارا الماي قالعان. كەيىن دەنساۋلىعى ناشارلاپ، ۇزاق
«انا جاققا بارۋ ءۇشىن جانىمدا سەرىك بولۋ كەرەك دەدى. جاسىم دا كەلىپ قالدى، دەنساۋلىعىم دا سىر بەرە باستادى. سودان كەيىن بۇل اقشانى شىن مۇقتاج جاندارعا بەرۋدى ءجون سانادىم»، – دەيدى اقساقال.
جۇبايىمەن ۇزاق جىل وتاسقانىمەن، بالالارى بولماعان. قازىر ول قارتتار ۇيىندە جالعىز ءوزى تۇرادى. ساعادات اتا جەڭىستىڭ 80 جىلدىعىنا بايلانىستى تىل ارداگەرلەرىنە بىرجولعى تولەم الا الماعانىنا قىنجىلدى.
ء «بىز دە جەڭىسكە ۇلەس قوستىق. مەملەكەتتىڭ قامقورلىعىندامىز دەپ ءبىزدى ەلەمەۋ دۇرىس ەمەس»، – دەدى ول.
ايتا كەتەيىك، ەڭبەك جولىن ءشوپ شابۋشىدان باستاپ، قويما مەڭگەرۋشىسى مەن زاۋىت شەبەرىنە دەيىن ءتۇرلى قىزمەت اتقارعان ساعادات جۇماباەۆ 1988 جىلى زەينەتكە شىققان.