تۇندە ۋكراينا استاناسى كيەۆكە رەسەي فەدەراتسياسى تاراپىنان جويقىن اۋە شابۋىلى جاسالدى، دەپ حابارلايدى "ادىرنا" ۇلتتىق پورتالى.
قالا بيلىگىنىڭ حابارلاۋىنشا، شابۋىلدا دروندار مەن بالليستيكالىق زىمىراندار قولدانىلعان. ناتيجەسىندە قالادا جارىلىستار تىركەلىپ، بىرنەشە اۋداندا ءورت شىقتى.
كيەۆ قالالىق اسكەري اكىمشىلىگىنىڭ باسشىسى تيمۋر تكاچەنكونىڭ مالىمەتىنشە، شابۋىلدىڭ سالدارى التى اۋداندا بايقالعان. تۇرعىن ۇيلەر مەن كەڭسەلەر، قويمالار، گاراجدار، جانارماي بەكەتتەرى مەن اۆتوكولىكتەر ورتەنىپ، ەداۋىر زالال كەلگەن.
شەۆچەنكو اۋدانىندا تۇرعىن ءۇيدىڭ جوعارعى قاباتىندا ءورت شىققان. سونداي-اق، دارنيتسا اۋدانىندا جانارماي قۇيۋ بەكەتى
سولومەنكا اۋدانىندا بوس تۇرعان عيماراتتىڭ شاتىرى جانىپ كەتتى.
گولوسەەۆو اۋدانىندا جۇك كولىگى ورتەنگەن.
پودول اۋدانىندا شابۋىل سالدارىنان عيمارات قالدىقتارى اشىق الاڭعا قۇلادى.
شابۋىل سالدارىنان 2 ادام قازا تاۋىپ، 14 ادام ءتۇرلى جاراقات العان.
تيمۋر تكاچەنكو قالادا اۋا ساپاسىنىڭ ناشارلاعانىن ەسكەرتىپ، تۇرعىنداردى تەرەزە اشپاۋعا، دالاعا شىقپاۋعا جانە ۇيدە وتىرۋعا شاقىردى. قازىر كيەۆتە ءتۇتىن قويۋلانىپ، اۋادا زياندى زاتتاردىڭ مولشەرى ارتقان.
