اقش پرەزيدەنتى دونالد ترامپ قازاقستانداعى توتەنشە جانە وكىلەتتى ەلشى لاۋازىمىنا دجۋلي ستافتتىڭ كانديداتۋراسىن ۇسىندى، دەپ حابارلايدى "ادىرنا" ۇلتتىق پورتالى.
بۇل تۋرالى اق ءۇيدىڭ رەسمي سايتىندا حابارلاندى.
قازىرگى تاڭدا ستافتتىڭ كانديداتۋراسى سەنات قاراۋىنا جىبەرىلدى.
دجۋلي ستافت – ديپلومات، اقش مەملەكەتتىك دەپارتامەنتىنىڭ جوعارى لاۋازىمدى قىزمەتكەرى. ول بۇعان دەيىن ۆيزالىق ىستەر جونىندەگى باسقارۋشى ديرەكتور بولىپ جۇمىس ىستەگەن. ستافت ديپلوماتيالىق قىزمەت بارىسىندا رەسەي، پولشا، ەفيوپيا، مولدوۆا جانە دجيبۋتي ەلدەرىندەگى ەلشىلىكتەردە، سونداي-اق ۇلتتىق قاۋىپسىزدىك كەڭەسىندە جۇمىس ىستەگەن.
مولدوۆاداعى قىزمەتى كەزىندە ول ايەلدەر مەن بالالارعا قارسى زورلىق-زومبىلىقپەن كۇرەسۋگە
سونىمەن قاتار ول مەملەكەتتىك دەپارتامەنتتىڭ جەتى مارتە قۇرمەت گراموتاسىنا جانە اقش سىرتقى قىزمەتكەرلەر قاۋىمداستىعىنىڭ ارنايى ماراپاتىنا يە بولعان.
وگايو شتاتىندا دۇنيەگە كەلگەن ستافت كەيس ۆەستەرن رەزەرۆ ۋنيۆەرسيتەتى مەن ديۋك ۋنيۆەرسيتەتىن تامامداعان. ول ورىس، رۋمىن، فرانتسۋز جانە پولياك تىلدەرىن ەركىن مەڭگەرگەن.
ايتا كەتەيىك، اقش-تىڭ قازاقستانداعى الدىڭعى ەلشىسى دەنيەل روزەنبليۋم 2024 جىلدىڭ جەلتوقسانىندا زەينەتكەرلىككە شىعۋىنا بايلانىستى قىزمەتىنەن كەتكەن بولاتىن.
