اقش مەملەكەتتىك دەپارتامەنتى قىرعىزستان ازاماتتارى ءۇشىن ميگراتسيالىق ەمەس ۆيزا بەرۋگە جاڭا شەكتەۋلەر ەنگىزدى، دەپ حابارلايدى «ادىرنا» ءتىلشىسى.
جاڭا ەرەجەلەرگە سايكەس، تۋريستىك جانە ىسكەرلىك ۆيزالار ەندى تەك 3 اي مەرزىمگە جانە ءبىر رەت قانا كىرۋگە بەرىلەدى. بۇعان دەيىن مۇنداي ۆيزالاردىڭ مەرزىمى ون جىلعا دەيىن جارامدى بولعان ەدى.
ديپلوماتيالىق وكىلدىكتىڭ تۇسىندىرۋىنشە، بۇل شارا اقش-تىڭ كوشى-قون جۇيەسىندەگى زاڭبۇزۋشىلىقتاردى انىقتاپ، ولاردىڭ الدىن الۋ مۇمكىندىكتەرىن كۇشەيتۋگە باعىتتالعان.
ەسكە سالايىق، ماۋسىم ايىندا ۆاشينگتون 36 ەلدىڭ ازاماتىنا ەلگە كىرۋ شەكتەۋلەرىن ەنگىزۋ مۇمكىندىگىن قاراستىرىپ جاتقانىن حابارلانعان بولاتىن.
