ازەربايجان مەن سيريا گاز جەتكىزۋ جونىندە كەلىسىمگە كەلدى

1141
Adyrna.kz Telegram
https://www.adyrna.kz/storage/uploads/04NS5h6XpCMJEVrVaN0r7q0iwgnjG38IH8IXraPo.jpg

ازەربايجان پرەزيدەنتى يلحام اليەۆ پەن سيريانىڭ ۋاقىتشا پرەزيدەنتى احمەد اش-شاراا گاز جەتكىزۋ ماسەلەسىندە كەلىسىمگە كەلدى، دەپ حابارلايدى "ادىرنا" ۇلتتىق پورتالى. 

12 شىلدەدە وتكەن كەزدەسۋ بارىسىندا تاراپتار ەنەرگەتيكا سالاسىنداعى ىنتىماقتاستىقتى تالقىلادى.

قازىرگى كەزدە سيريا بۇل سالادا ەلەۋلى قيىندىقتارعا تاپ بولىپ وتىر.

«وسى تۇرعىدا جاقىن ارادا ازەربايجان گازىن تۇركيا اۋماعى ارقىلى سيرياعا ەكسپورتتاۋ جوباسى جۇزەگە اسىرىلاتىنى اتاپ ءوتىلدى. بۇل سيريانىڭ ەنەرگەتيكالىق قاۋىپسىزدىگىن قامتاماسىز ەتۋگە ءوز ۇلەسىن قوسادى»، – دەلىنگەن حابارلامادا.

يلحام اليەۆ سيرياداعى بۇرىنعى بيلىك جىلدار بويى ازەربايجانعا قارسى دوستىقسىز ساياسات

جۇرگىزىپ كەلگەنىن، سول سەبەپتى ەكىجاقتى قاتىناستاردا توقىراۋ بولعانىن ايتتى. ونىڭ سوزىنشە، سيريادا جاڭا بيلىك ورناعان سوڭ ەكى ەل اراسىنداعى قاتىناستاردى دامىتۋعا ۇلكەن مۇمكىندىكتەر اشىلعان.

ءوز كەزەگىندە احمەد اش-شاراا بۇرىنعى ۇكىمەتتىڭ سيريانىڭ كوپتەگەن ەلدەرمەن، سونىڭ ىشىندە ازەربايجانمەن دە قارىم-قاتىناسىنا نۇقسان كەلتىرگەنىن وكىنىشپەن اتاپ ءوتتى.

سونىمەن قاتار تاراپتار ازەربايجاننىڭ وككۋپاتسيادان ازات ەتىلگەن اۋماقتاردا قالپىنا كەلتىرۋ جانە قۇرىلىس جۇمىستارىنداعى تاجىريبەسىن ەسكەرە وتىرىپ، ەلدىڭ سيرياداعى سوعىستان كەيىنگى قالپىنا كەلتىرۋ ۇدەرىسىنە ءوز ۇلەسىن قوسا الاتىنىن جەتكىزدى.

پىكىرلەر