ءماجىلىس دەپۋتاتى ءانونيمدى تۇردە تيمۋر تۋرلوۆتىڭ كاپيتالىنىڭ ارتىندا «روسنەفت» باسشىسى يگور سەچيننىڭ مۇددەلەرى تۇرۋى مۇمكىن ەكەنىن ايتتى، دەپ حابارلايدى “ادىرنا” ۇلتتىق پورتالى DW-گە سىلتەمە جاساپ.
«قازىر پارلامەنت كۋلۋارلارىندا تۋرلوۆ جايلى كوپ اڭگىمە ايتىلىپ ءجۇر. ول وسىنشاما قىسقا مەرزىم ىشىندە قالايشا كوپ تابىس تاۋىپ، 2024 جىلدىڭ قورىتىندىسى بويىنشا وليگارحتار تىزىمىندە بەسىنشى ورىننان بىردەن ەكىنشى ورىنعا شىققانى تۇسىنىكسىز. ونىڭ بيزنەسى ناقتى ءوندىرىس سالاسىمەن بايلانىستى ەمەس. نەگىزگى تابىس كوزى – قارجىلىق تەحنولوگيالار. سوندىقتان دا رەسەيدىڭ فسب قىزمەتىمەن ىقتيمال بايلانىسى، ونىڭ حولدينگىنىڭ انتيرەسەيلىك سانكتسيالاردى اينالىپ وتۋگە قاتىسى جانە ونىڭ اقشاسى شىن مانىندە يگور سەچيننىڭ اقشاسى بولۋى مۇمكىن دەگەن كۇدىك كوپ»، – دەيدى دەپۋتات.
دەپۋتاتتىڭ ايتۋىنشا، پارلامەنت مۇشەلەرىنىڭ تيمۋر تۋرلوۆتىڭ قىزمەتىنە قىزىعۋشىلىعى 2022 جىلدان باستاپ پايدا بولعان. كەيىنگى مالىمەتتەر بۇل كۇدىكتەردى كۇشەيتە تۇسكەن.
«2022 جىلدىڭ قازانىندا ۋكراينا پرەزيدەنتى زەلەنسكيدىڭ جەكە سانكتسياسىنا ءىلىنۋى جايدان-جاي ەمەس دەپ ويلايمىن. ول كەزدە تۋرلوۆ ماۋسىم ايىندا قازاقستان
ول سونداي-اق 2023 جىلى جاريالانعان امەريكالىق Hindenburg Research پەن Citron Research زەرتتەۋلەرىندە تۋرلوۆتىڭ حولدينگى باعالى قاعازدارمەن جۇرگىزىلگەن جالعان وپەراتسيالار ارقىلى تابىستى وسىرگەن قۇرىلىمداردىڭ قاتارىندا اتالعانىن ەسكە سالدى.
دەپۋتاتتىڭ ايتۋىنشا، ماجىلىسمەندەر اراسىندا ەڭ كوپ الاڭداۋشىلىق تۋدىراتىن ماسەلە – تۋرلوۆتىڭ بيزنەس قۇرىلىمدارىنىڭ «اگرەسسيۆتى ءارى شەكتەن تىس كەڭەيۋى».
«ونىڭ قۇرىلىمدارى قازىر جاڭبىردان كەيىنگى ساڭىراۋقۇلاقتارداي كوبەيىپ جاتىر. ءبىزدىڭ قور نارىعىنداعى قىزمەتىنەن بولەك، Freedom تەلەكوممۋنيكاتسيا سالاسىنا كىردى، اۆتودوڭگەلەك پەن ءموبيلدى تەلەفون ساتادى، ءوزىنىڭ ساقتاندىرۋ كومپانياسى مەن مەدياقۇرىلىمدارى بار. بارلىق جەردە باسشىلىق قىزمەتتەردە رەسەيدەن كەلگەن ادامدار وتىر. بۇل – تۋرلوۆ قازاقستاندا ەكونوميكالىق ەكسپانسيا جۇرگىزۋ تاپسىرماسىن ورىنداپ جۇرگەندەي اسەر قالدىرادى. ماسكەۋ ۋكراينامەن سوعىسقا دەيىن باردى. ال قازاقستانمەن باسقا جولدى تاڭداعان سياقتى»، – دەدى ول.