وزبەكستاندا موڭعوليادان ۇساق مال يمپورتتايتىن كاسىپكەرلەرگە مەملەكەتتىك قولداۋ كورسەتىلمەك، دەپ حابارلايدى "ادىرنا" ۇلتتىق پورتالى.
بۇل تۋرالى ەل پرەزيدەنتى شاۆكات ميرزيوەۆتىڭ 18 شىلدەدە قول قويعان قاۋلىسىندا ايتىلعان.
قۇجاتقا سايكەس، 2025 جىلعى 1 تامىزدان باستاپ 2027 جىلعى 31 جەلتوقسانعا دەيىن موڭعوليادان مال اكەلۋشى كاسىپكەرلەرگە جىلدىق مولشەرلەمەسى 10% بولاتىن 5 جىلدىق جەڭىلدەتىلگەن نەسيەلەر ۇسىنىلادى. ونىڭ ىشىندە بانكتىڭ مارجاسى – تەك 3%. سونىمەن قاتار، اكەلىنگەن مالدى ۇشاقپەن جەتكىزۋ شىعىندارىنىڭ 50%-ى مەملەكەتتىك بيۋدجەت ەسەبىنەن وتەلەدى. قوسىمشا قۇن سالىعىن تولەۋ مەرزىمى كەيىنگە شەگەرىلەدى، وعان پايىز ەسەپتەلمەيدى ءارى كەپىلزات تالاپ ەتىلمەيدى.
كەمىندە 1000 باس مال اكەلەتىن كاسىپكەرلەرگە قاراقالپاقستان، بۇحارا، ناۋاي، سامارقان، جىزاق، قاشقاداريا جانە سۋرحانداريا وبلىستارىنداعى جايىلىمدىق جەرلەر تىكەلەي جەر قورىنان جالعا بەرىلەدى. الايدا بۇعان قويىلاتىن باستى شارت – مال باسىن سەلەكتسيالاۋ جانە جۋسان،
وزبەكستان بيلىگى 2027 جىلعا دەيىن موڭعوليادان 100 مىڭ باس ۇساق مال ساتىپ الۋدى، ال 2029 جىلعا قاراي ولاردىڭ سانىن 1 ميلليونعا جەتكىزۋدى كوزدەپ وتىر. بۇل باستاما جوعارى ساپالى ءجۇن مەن كاشەمير وندىرۋگە بەيىم مال تۇقىمدارىن اكەلۋگە، ءارى ولاردى ەل ىشىندە وڭدەۋگە مۇمكىندىك بەرەدى.
بۇدان بولەك، وزبەكستان مەن موڭعوليا اراسىنداعى اگروسالالىق كەلىسىم اياسىندا وزبەك جەمىس-جيدەك، كوكونىس جانە وزگە دە ونىمدەرىنىڭ ەكسپورتىن 10 ەسەگە دەيىن ارتتىرۋ، ءجۇن وڭدەيتىن جانە كاشەمير ونىمدەرىن وندىرەتىن زاۋىتتار سالۋ، ەكى ەلدە ساۋدا ۇيلەرىن اشۋ، كورمەلەر مەن بيزنەس-ميسسيالار ۇيىمداستىرۋ جوسپارلانعان. سونداي-اق، 2026/2027 وقۋ جىلىنان باستاپ تاشكەنت اگرارلىق ۋنيۆەرسيتەتى مەن موڭعوليانىڭ تابيعي عىلىمدار ۋنيۆەرسيتەتى بىرلەسكەن ماگيستراتۋرا باعدارلاماسىن ىسكە قوسپاق.
