قىرعىزستاندا ۇشاق پەن تىكۇشاققا ۇقساس جەڭىل تىكۇشاقتار قۇراستىرىلىپ جاتىر، دەپ حابارلايدى "ادىرنا" ۇلتتىق پورتالى.
بۇل ۇشۋ اپپاراتتارى سىناقتان ءوتىپ، جاقىن ارادا ەگىس القاپتارىندا فەرمەرلەرگە كومەكتەسىپ، جول جەتپەيتىن جەرلەرگە ادام تاسىمالداۋعا كىرىسەدى.
جەڭىل تىكۇشاق سىرتقى پىشىنىمەن تىكۇشاققا ۇقسايدى. ول جەڭىل اۆياتسياداعى ەڭ قاۋىپسىز كولىكتەردىڭ ءبىرى سانالادى. قازىرگى تاڭدا قىرعىزستاندا مۇنداي 4 اپپارات بار. ولار بىشكەك ماڭىنداعى انگاردا قولمەن قۇراستىرىلادى.
ۇشاق قۇراستىرۋدا باس نۇسقاۋشى ادىلبەك قۇرمانباەۆ — 17 جىلدىق تاجىريبەسى بار مامان. ونىڭ ايتۋىنشا، ءار جەڭىل تىكۇشاقتى جاساۋعا شامامەن ەكى اي ۋاقىت كەتەدى. قاجەتتى
جەڭىل تىكۇشاقتار اۋىل شارۋاشىلىعىنان باستاپ توتەنشە جاعدايلارعا دەيىن ءتۇرلى سالالاردا قولدانىلۋى مۇمكىن. سوندىقتان مەملەكەت جەڭىل اۆياتسيانى دامىتۋعا قولداۋ كورسەتۋدە.
اۆياتسيا سالاسىنىڭ مامانى گەرمان گەرستەنلاۋەردىڭ ايتۋىنشا، قىرعىزستاندا جەڭىل اۆياتسيانى دامىتۋعا مەملەكەت ەرەكشە كوڭىل بولۋدە. ونىڭ باستاماسىمەن جەڭىل اۆياتسيا اسسوتسياتسياسى قۇرىلىپ، پيلوتتار دايىندايتىن مەكتەپتەر اشىلعان. قازىرگى تاڭدا جەڭىل تىكۇشاقتار اۋىل شارۋاشىلىعىنا كومەكتەسىپ قانا قويماي، قورعانىس مينيسترلىگىنە دە قىزمەت ەتپەك.
