اقش پرەزيدەنتى دونالد ترامپتان سوزىلمالى ۆەنالىق جەتىسپەۋشىلىك دياگنوزى قويىلدى، دەپ حابارلايدى "ادىرنا" ۇلتتىق پورتالى Bloomberg اگەنتتىگىنە سىلتەپ.
اق ءۇيدىڭ ءباسپاسوز حاتشىسى كەرولاين ءليۆيتتىڭ ايتۋىنشا، 79 جاستاعى مەملەكەت باسشىسى مەديتسينالىق تەكسەرۋدەن وتكەن. بۇعان دەيىن جۇرتشىلىق ترامپتىڭ اياقتارىنىڭ ءىسىپ، قولىندا كوگەرگەن ىزدەر پايدا بولعانىن بايقاعان.
"دارىگەرلەر ءىسىنۋدىڭ تامىرلاردىڭ قىزمەتىنىڭ بۇزىلۋىنان ەكەنىن انىقتادى. بۇل - 70 جاستان اسقان ادامدار اراسىندا كەڭ تارالعان جاعداي، ءاربىر جيىرماسىنشى ەرەسەك ادامدا كەزدەسەدى", — دەدى ليۆيتت.
سونداي-اق، ءباسپاسوز حاتشىسى كوگەرگەن ىزدەردىڭ
اق ءۇيدىڭ دارىگەرى شون باربابەللانىڭ ايتۋىنشا، پرەزيدەنتتىڭ بويىندا تەرەڭ كوكتامىر ترومبوزى، ارتەريالىق اۋرۋلار، جۇرەك نەمەسە بۇيرەك جەتكىلىكسىزدىگى بەلگىلەرى جوق. قاندى تالداۋ ناتيجەلەرى دە قالىپتى شەكتەردە. دارىگەرلەردىڭ سوزىنشە، دونالد ترامپ ەشقانداي فيزيكالىق جايسىزدىق سەزىنبەيدى.
"پرەزيدەنت دەنساۋلىعى وتە جاقسى جاعدايدا", — دەپ مالىمدەدى باربابەللا ءوز قىزمەتتىك جازباسىندا.
