شالعايداعى اۋىل مەكتەبىنەن ۇلكەن ارەناعا شىققان جاس سپورتشىلار قىرعىزستاندا 2008–2010 جىلى تۋعان جاسوسپىرىمدەر اراسىندا وتكەن حالىقارالىق ۆولەيبول تۋرنيرىندە ەل نامىسىن قورعاپ، مەرەيىن ۇستەم ەتتى.
بۇل جارىسقا «Auyl sport - 2024» رەسپۋبليكالىق ءتۋرنيرىنىڭ جەڭىمپازدارى – سولتۇستىك قازاقستان وبلىسى قىزىلجار اۋدانى بەسكول اۋىلىنىڭ قىزدار كومانداسى مەن الماتى وبلىسى قاراساي اۋدانى ۇشقوڭىر اۋىلىنىڭ ۇلدار كومانداسى قاتىستى. 
قاراپايىم جاتتىعۋ زالىنان باستالعان جول قىرعىزستان تورىندەگى جەڭىسكە ۇلاستى. بۇل – تيمۋر قۇلىباەۆتىڭ Halyk قايىرىمدىلىق قورى جۇزەگە اسىرىپ جاتقان «AUYL SPORT» ناتيجەسى. جوبا ءىرى كاسىپكەر، سپورت جاناشارى تيمۋر قۇلىباەۆتىڭ اۋىلداعى تالانتتى جاستارعا جول اشۋ جونىندەگى ستراتەگيالىق باستاماسى. ونىڭ باستاماسىمەن «Halyk» قورى بۇقارالىق سپورتتى قولداۋعا جۇيەلى تۇردە قارجى ءبولىپ كەلەدى.
بۇل تەك سپورت جەڭىسى ەمەس، اۋىل بالاسىنىڭ جىگەرى مەن ەلگە دەگەن ادال ماحابباتىنىڭ ايعاعى. وسىنداي رۋحتى جاستاردى قولداۋ – ەلىمىزدىڭ بولاشاعىنا سالىنعان ينۆەستيتسيا.
جارىس بارىسىندا ۇلكەن تارتىسقا تولى ويىندار ءوتتى. ۇلدار اراسىنداعى فينالدا ۇشقوڭىر اۋىلىنىڭ كومانداسى قىرعىزستاننىڭ چۋ وبلىسى، مرامورنوە اۋىلىنىڭ ۇجىمىن 2:0 ەسەبىمەن ۇتىپ، چەمپيون اتاندى.
قىزدار اراسىنداعى دودادا بەسكول اۋىلىنان بارعان ۆولەيبولشى قىزدار تاماشا ويىن كورسەتىپ، جۇلدەلى ءۇشىنشى ورىن يەلەندى.
كوماندا جاتتىقتىرۋشىسى اناستاسيا ەينيكيس ساپار دەمەۋشىسى بولعان تيمۋر قۇلىباەۆتىڭ Halyk قورىنا العىسىن ايتتى.
«بۇل جارىسقا ءبىز «Auyl sport» جوباسىندا چەمپيون بولعان قۇراممەن قاتىستىق. Halyk قورىنىڭ قولداۋى ارقاسىندا حالىقارالىق دەڭگەيدەگى سايىسقا العاش رەت قاتىسىپ، قولا جۇلدەگەر اتاندىق. قىرعىزستاندا العاش رەت بولىپ وتىرمىز. قوردىڭ بۇل جوباسى بولاشاقتا دا جالعاسىن تاۋىپ، جاقسى ناتيجەلەر اكەلەتىنىنە سەنەمىز»، - دەدى ول.
ال جارىسقا قاتىسقان سپورتشى تايسيا ۆىسوتسكايا حالىقارالىق تۋرنير ۇلكەن تاجىريبە بولعانىن جاسىرمادى.
«حالىقارالىق تۋرنيرگە ءبىرىنشى رەت قاتىسىپ تۇرمىن. بۇل مەن ءۇشىن ۇلكەن تاجىريبە بولدى. قارسىلاستارىمىز مىقتى بولدى، دەگەنمەن ءبىز جاقسى ويناپ ناتيجە كورسەتتىك. ءۇشىنشى ورىن جەڭىپ الدىق. Halyk قورىنا العىسىمىز شەكسىز، وسى ساپاردىڭ ارقاسىندا شەكارا اسىپ، ەل نامىسىن قورعادىق»، – دەيدى ۆولەيبولشى.
Halyk قورىنىڭ اتقارۋشى ديرەكتورى، «Auyl sport» جوباسىنىڭ جەتەكشىسى ءتۋرنيردىڭ ماڭىزدىلىعىن اتاپ ءوتىپ، بالالارعا قولداۋ كورسەتۋ باستى باسىمدىقتاردىڭ ءبىرى ەكەنىن ايتتى.
«قور بالالارعا ءاردايىم قولداۋ بىلدىرۋگە نيەتتى. اسىرەسە اۋىلدا وسكەن تالانتتى بالالاردىڭ ۇلكەن ارەناعا شىعۋىنا جاعداي جاساۋعا قاشاندا دايىنبىز. وسىنداي جوبالار ارقىلى ولاردىڭ بولاشاعىنا باعىت بەرىپ، سەنىم سىيلاي الامىز. بۇل قولداۋ بۇدان ءارى دە جالعاسادى»، - دەدى عالىمبەك جاقسىلىقۇلى.
ايتا كەتەيىك، «AUYL SPORT» – تيمۋر قۇلىباەۆتىڭ «Halyk» قايىرىمدىلىق قورى قولعا العان ماڭىزدى الەۋمەتتىك جوبا. باعدارلاما 2024 جىلدان باستاپ اۋىلدىق جەرلەردە بۇقارالىق سپورتتى دامىتۋ، تالانتتى بالالاردى قولداۋ جانە كاسىبي سپورتقا باعىتتاۋعا جۇمىس ىستەيدى. بۇگىندە بۇل باستاما اياسىندا ەلىمىزدىڭ تۇكپىر-تۇكپىرىندە 10 مىڭنان استام بالا ءتۇرلى سپورت تۇرىمەن جۇيەلى تۇردە اينالىسىپ ءجۇر.
AUYL SPORT باعدارلاماسىنىڭ تيىمدىلىگىن دالەلدەيتىن تاعى ءبىر ايعاق – سەربيادا وتكەن GYMNASIADE حالىقارالىق سايىسىندا 12 اۋىل بالاسىنىڭ 6 مەدال جەڭىپ الۋى. ەندى سول تاجىريبە Kazakhstan Open اياسىندا جالعاسىپ، اۋىل سپورتشىلارى حالىقارالىق ارەناعا سەنىمدى قادام باسىپ وتىر.
ال Halyk قايىرىمدىلىق قورى – ەلىمىزدىڭ تۇكپىر-تۇكپىرىندەگى مۇقتاج جاندارعا قولداۋ كورسەتىپ، الەۋمەتتىك جاۋاپكەرشىلىكتى سەرىك ەتكەن ءىرى ۇيىم. قور اۋىل سپورتىنا عانا 500 ميلليون تەڭگەگە جۋىق قارجى ءبولىپ قويماي، جالپى سانى 120-دان استام الەۋمەتتىك جوبانى جۇزەگە اسىرىپ، 85 ميلليارد تەڭگە كولەمىندە قاراجات جۇمساعان.
