15 جاستاعى قازاق فۋتبولشىسى كارىم مەڭدىحانوۆ اتاقتى «بارسەلونا» كومانداسىمەن كەلىسىمشارتقا وتىردى. بۇل تۋرالى Mundo Deportivo جازدى، دەپ حابارلايدى «ادىرنا» ءتىلشىسى.
ول يسپانياعا 2022 جىلى كوشىپ بارعان. كارىمنىڭ العاشقى كلۋبى «Cerdanyola» بولعان، وندا جاس ويىنشى بىردەن كوزگە تۇسكەن.
قازىرگى ماۋسىمدا ول «Sant Cugat FC» ساپىندا ونەر كورسەتىپ، نەگىزگى قۇرامنان ورىن الا ءبىلدى.
«وڭ قاپتالدا مەڭدىحانوۆ نەگىزگى ويىنشىلاردىڭ بىرىنە اينالدى. سپورتشىنىڭ جىلدامدىعى، تەحنيكاسى جانە قارسىلاستى جەكە-دارا الداپ ءوتۋ شەبەرلىگى ونى قورعانىس ءۇشىن ناعىز قاۋىپكە اينالدىرادى. سونداي-اق ول ليگاداعى ەڭ ۇزدىك ناتيجەلى پاس بەرۋشىلەردىڭ قاتارىندا»،- دەپ جازدى باسىلىم.
مەندىحانوۆ كەلەسى ماۋسىمنان «بارسەلونا» ساپىندا وينايدى. وسىلايشا ول تانىمال كلۋب تاريحىنداعى العاشقى قازاقستاندىق فۋتبولشى اتانباق.
