Halyk Bank حالىقارالىق Top Employers Institute ۇيىمىنىڭ باعالاۋ ناتيجەسى بويىنشا قازاقستانداعى 2025 جىلدىڭ ۇزدىك جۇمىس بەرۋشىسى (Top Employer) مارتەبەسىنە يە بولدى. بانك بۇل اتاققا يە بولعان تۇڭعىش قازاقستاندىق برەند. ول HR تاجىريبەلەرىنىڭ جوعارى دەڭگەيىن كورسەتىپ، ادامي كاپيتالدى باسقارۋ سالاسىنداعى بىرقاتار نەگىزگى كورسەتكىشتەر بويىنشا جاھاندىق مەجەلەردەن اسىپ ءتۇستى، دەپ حابارلايدى «ادىرنا» Stan.kz-كە سىلتەمە جاساپ.
بۇل سەرتيفيكاتتى 1991 جىلى نيدەرلاندىدا قۇرىلعان Top Employers Institute اتتى تاۋەلسىز حالىقارالىق ۇيىم بەرەدى. ينستيتۋت كومپانيالاردىڭ HR ۇدەرىستەرىنە تەرەڭ اۋديت جۇرگىزىپ، “ۇزدىك جۇمىس بەرۋشى” مارتەبەسىن التى نەگىزگى HR كورسەتكىشى مەن 600-دەن استام ولشەم نەگىزىندە تاعايىندايدى. بۇل ساناتقا: كوشباسشىلىقتى دامىتۋ، تالانتتاردى باسقارۋ، مانساپتى جوسپارلاۋ، قىزمەتكەرلەردىڭ ىسكە تارتىلۋى، وتەماقى مەن جەڭىلدىكتەر، كورپوراتيۆتىك مادەنيەت پەن ورتا كىرەدى.
"Top Employer مارتەبەسىن الىپ، قىزمەتكەرلەردى باسقارۋدىڭ نەگىزگى باعىتتارى بويىنشا جاھاندىق ستاندارتتاردان اسىپ ءتۇسۋىمىز ارقىلى ءبىز زامان تالاپتارىنا ساي، ساپالى ءارى ستراتەگيالىق تۇرعىدان دۇرىس ادىستەردى قولدانىپ كەلە جاتقانىمىزدى دالەلدەدىك. بۇل – قۇندىلىقتاردىڭ تۇتاس جۇيەسىن قالىپتاستىرۋ مەن قىزمەتكەرلەردى دامىتۋعا باعىتتالعان كوپجىلدىق جانە جۇيەلى ەڭبەكتىڭ ناتيجەسى", – دەدى Halyk Bank باسقارما ءتورايىمى ءۇمىت شاياحمەتوۆا.
باعالاۋ 20-دان استام تاقىرىپتى قامتيتىن HR Best Practices Survey اتتى حالىقارالىق زەرتتەۋ نەگىزىندە جۇرگىزىلدى. ونىڭ ىشىندە ۇيىمدىق مادەنيەت، ينكليۋزيا جوبالارى، بەيىمدەلۋ، وقىتۋ جانە تۇراقتى دامۋ سياقتى باعىتتار بار.
"ۇزدىكسىز وزگەرىستەر بولىپ جاتقان كەزدە، ادامداردى ءوز ستراتەگياسىنىڭ باستى بولىگى ەتىپ قوياتىن ۇيىمداردى كورۋ شابىت بەرەدى. 2025 جىلعى Top Employers باعدارلاماسى Halyk Bank سياقتى جۇمىس بەرۋشىلەردىڭ HR سالاسىنداعى جوعارى ستاندارتتا ادال ەكەنىن كورسەتەدى. ءبىز ەڭبەك الەمىن جاقسارتۋعا ۇلەس قوسىپ جاتقان وسى كوشباسشىلاردى ماقتانىشپەن ايتامىز", – دەدى Top Employers Institute باس ديرەكتورى دەۆيد پلينك.
2025 جىلى Top Employer مارتەبەسى 125 ەل مەن ايماقتىڭ ۇيىمدارىنا بەرىلدى. بۇل كومپانيالار ەڭبەك جاعدايىن جاقسارتىپ، ادامداردىڭ ءومىر ساپاسىنا وڭ اسەر ەتىپ كەلەدى.
ء"بىز قازاقستاننىڭ بارلىق وڭىرلەرىندە جۇمىس ىستەيتىن 14 مىڭنان استام قىزمەتكەرىمىزدى ۇنەمى دامىتۋدامىز. ولاردىڭ ءال-اۋقاتىنا ينۆەستيتسيا سالىپ، ولاردى جىگەرلەندىرەتىن زاماناۋي ساياساتتى ۇستانامىز. ءبىزدىڭ كوماندامىز شابىتتاندىراتىن، كاسىبي ءارى تۇراقتى ورتادا قارقىندى دامىپ، جوعارى ناتيجەلەر كورسەتۋدە", – دەپ قوستى Halyk Bank قىزمەتكەرلەردى باسقارۋ دەپارتامەنتىنىڭ ديرەكتورى ينديرا اشيروۆا.
Halyk Bank تۋرالى
Halyk Bank – قازاقستانداعى 100 جىلدان استام تاريحى بار ەڭ ءىرى امبەباپ قارجى ۇيىمى. بانك جەكە جانە كورپوراتيۆتىك كليەنتتەرگە اۋقىمدى قارجىلىق قىزمەتتەر كورسەتەدى. سونىمەن قاتار تۇراقتىلىققا، قىزمەتكەرلەردىڭ تارتىلۋىنا جانە ولاردىڭ الەۋەتىن اشۋعا باعىتتالعان كورپوراتيۆتىك مادەنيەتتى جۇيەلى تۇردە دامىتىپ كەلەدى. بۇگىندە قازاقستاننىڭ بارلىق وڭىرلەرىندە بانك قۇرامىندا 14 مىڭنان استام قىزمەتكەر ەڭبەك ەتەدى.
Top Employers Institute تۋرالى
Top Employers Institute – HR-ستراتەگيالاردى باعالاۋ سالاسىنداعى جەتەكشى حالىقارالىق ۇيىم. سەرتيفيكاتسيالىق باعدارلامالار مەن تالدامالىق قۇرالدار ارقىلى ينستيتۋت كومپانيالارعا قىزمەتكەرلەردى باسقارۋ تاجىريبەسىن جەتىلدىرۋگە، باسەكەگە قابىلەتتىلىكتى ارتتىرۋعا جانە ءتيىمدى ەڭبەك ورتاسىن قالىپتاستىرۋعا قولداۋ كورسەتەدى.
