1 تامىزدا وتەتىن دجەننيفەر لوپەستىڭ استاناداعى كونتسەرتى كەزىندە "استانا ارەنا" ماڭىندا كولىك قوزعالىسىنا ۋاقىتشا شەكتەۋ قويىلادى. بۇل تۋرالى ەلوردا اكىمدىگى جازدى، دەپ حابارلايدى «ادىرنا» ءتىلشىسى.
بۇل شەشىم قوعامدىق قاۋىپسىزدىكتى قامتاماسىز ەتۋ، قوناقتاردىڭ ىڭعايلى كەلىپ-كەتۋى مەن قوزعالىسىن ۇيىمداستىرۋ ماقساتىندا قابىلدانعان.
«استانا ارەنا» ستاديونى ماڭىنداعى «الاۋ» مۇز سارايى مەن «سارىارقا» ۆەلوترەگى جاعىنان اۆتوكولىك قوزعالىسى ۋاقىتشا شەكتەلەدى.
كولىكتى كەلەسى ورىندارعا قويۋعا بولادى: «الاۋ» مۇز سارايى، «بارىس ارەنا» مۇز ايدىنى، «سارىارقا» ۆەلوترەگى، بوتانيكالىق باق (بۇقار جىراۋ جانە ورىنبور كوشەلەرى جاعىنان), كەرەي مەن جانىبەك حاندار كوشەسى جانە باسقا دا تۇراق ورىندارى»،—دەلىنگەن حابارلامااا.
كونتسەرتكە كەلۋشىلەردىڭ ىڭعايلىعى ءۇشىن قالا بويىنشا بەس ورىننان «استانا ارەنا» ستاديونىنا جانە كەرى باعىتتا قاتىنايتىن ارنايى شاتتل-اۆتوبۋستار قاتىنايدى:
استانالىق تسيرك تۇراعى;
«ازىرەت سۇلتان» مەشىتىنىڭ تۇراعى;
«QAZAQSTAN» سپورت كەشەنىنىڭ تۇراعى;
تۇران داڭعىلى جاعىنان ورتالىق ساياباقتىڭ تۇراعى;
«باس مەشىت» تۇراعى.
شاتتل-باستار كونتسەرت باستالعانعا دەيىن جانە اياقتالعاننان كەيىن ەكى باعىتتا قاتىنايدى.
«كەپتەلىستەر مەن تۇراق ماسەلەسىنە تاپ بولماس ءۇشىن فەستيۆال كورەرمەندەرى قوعامدىق كولىكپەن قاتىناعانى ءجون»،—دەدى اكىمدىك.
